Der stadt Leyden Dienst-bouc

[Dirc van Wassenair, Burchgraue van Leyden Ridder]

Dirc van Wassenair, Burchgraue van Leyden Ridder, Doe cond ende kenlic allen luden, vvant mine meninghe is, ende altois ghevveest heft, ende of God vvil, bliuen] zel in rusten te vvezen mit allen

[p. 33]

minen onderzaten. Ende ic in een deel tiden in tvviste ghelghen hebbe jegens der gemienre stede van Leyden, ouermids dat] zi aenghetast ende ghebruyct heft jeghen minen vville, dair ic recht toe vvaende ghehadt hebbe, alrehande goede die gheleghen ende op gheresen zien binnen] der Stede voirseyt, alse vvaghe, ellemate, buttermate, medepenning, berye, azise, scole, costerye, scrijfambocht, bodeambocht, ende dobbelscole, Ende] vvant mijns liefe ende gheduchts Heren Hertoghe Willaems van Beyeren, Graue van Henegouvven, van Holland, van Zeland, ende Here van Vriesland vville ende] begheerte is, dat ic mitter Stede voirscreuen op een draghe, ende elc mit anderen in rusten bliue: Ende so vves vvi an beyden ziden dair toe doen, dat] hi dat stade ende vaste houden zel voir him ende zinen nacomelinghe, alse een open brief dair of hout, dien ic der Stede voirseyt ouerghegheuen hebbe] jeghens die vvilke ic ghien tvvist ghehadt en hebbe, dan van goeden voirsreuen roerende is: Ende dair ic te veel stonden of te talen ghevveest hebbe voir minen] Here den Graue, jeghens der Stede voirnoemt. Ende vvant mine meninghe ymmer is mijns liefs Heren vville ende consente te viruollen, ende eendrachtic]heyt mitter Stede te hebben: So heb ic mit minen vreenden ende maghen dair op goed voirsien, ende vlitich ondersoec ghehadt, ende hebben gheuon]den, ende vinden, ende kennen dat die stede van Leyden na horen betoghe dat zi heeft, ende ic ende mine vreende vvel gheexamineert, ende onder]socht hebbe toit den voirscreuen goeden goet recht heft, ende hoer toebehoeren, ende nyemand anders: Des ic der stede van Leyden vrilike mien]ne laten te ghebruken: Ende scelde die vreendelike, ende mit gonste quite toit hare behoef, voir mi ende voir mine nacomelinghe. Ende beloue in goe]den trouvven voir mi, ende voir mine nacomelinghe dese voirscreuen goede nimmermeer aentetasten, aentecalengieren, noch der Stede moenesse of hinder] dair an te doen. Ende ymmer der Stede voirscreuen te starken ende hulpich te vvesen, jeghens yemande die der Stede namaels hinderen vvoude an den goeden] voirscreuen. In kennesse der vvairhede so heb ic dezen brief bezeghelt mit minen zeghel. Ende om die meerre zekerheyt so heb ic ghebeden craf]tighen ende vvizen luden, minen, maghen ende vreenden, Heren

[p. 34]

Willaem van der Wateringhe, Ridder, Heren Willaem Heerman, persoenre der Kerke van Hair]lem, Gherede van Oestgheest, ende Janne Oem, die bi ende ouer deze voirscreuen voirvvairden ghevveest hebben, mit anders eendeel van minen vreenden] ende maghen, dat zi dezen brief mede bezeghelen vvilden mit haren zeghelen. Ende vvi Willaem vander Wateringhe Ridder, Willaem Heerman per]soenre der Kerke van Hairlem, Ghered van Oestgheest, ende Jan Oem, om bede ons liefs Heren ende neue Heren Dirx voirscreuen, ende om dat vvi] bi ende ouer der voirscreuen voirvvairde ghevveest hebben, ende mede om die meerre vasthede van liefte ende gonste te bliuen tusschen onzen lieuen] Here ende neue voirscreuen an die ene zide, ende onzen lieuen ende gheminden vreenden den ghemienen poirteren van Leyden an die ander zide, So] hebben vvi desen brief in kennesse der vvairheyt mede bezeghelt mit onzen zeghelen. Ghegheuen int jair ons Heren dusent drie-hondert, zeuen] ende vijftich, op sinte Andries auond.

Den voorgaenden brief bestaende, volghende de afdeelingen hier voren, van drientwintich volschreven reghelen, ende omtrent een derdepaert, was gheschreven op een stuck franchijns, lang omtrent acht duymen, achtalf greyn: hooch vier duymen, drie greynen, behalven een ploye van omtrent zeven greynen, ende bezeghelt aen double franchijnen staerten, al tot vijf plaetsen door de ploye gesteecken, mit vijf groen wasschen zeghelen.

Het eerste van den Borchgrave, hooch in zijn dwers-linie omtrent neghendalve greynen: daer inne afghedruct stont een ghequartilleert schildeken zonder helm ofte tymber, bezet ter rechter hant mit drie halve manen, ende ter slincker hant mit een dwers-lopende balck: hebbende in zijn ommeloop (die tot twee plaetsen gebroocken was) noch deze letteren S. THE . . . . SSENKASTELL . . . . MILITIS.

Het tweede van Wateringhen, hooch omtrent zevendalve greynen, daer in af gedruct stont een staende schildeken, bezet mit een achtpointighe sterre onder een bare, hebbende in den ommeloop deze letteren S. WILLELMI DE WATERINGE MILITIS.

[p. 35]

Het derde van Heerman: hooch omtrent zes greynen, daer inne af gedruct stondt een schildeken, bezet mit een cruys, aende vier eynden, ommegecromt in fanctsoen vande Lelien bladen, ende in den ommeloop S. WILHELMI HEER-MAN.

Het vierde van Ougstgheest: hooch omtrent zestalf greyn, daer inne af ghedruct stont een schildeken, bezet mit een cruys, als voren, hebbende in den ommeloop S. GHERAERD VAN OESTGHEEST.

Ende het vijfde van Oem, groot in zijn dwers-linie omtrent vijftalve greynen, daer inne af ghedruct stont een cleyn schildeken, bezet mit drie manen: hebbende een bastoen, ende in den ommeloop S. IANS OEM.

Zodanich was de vriendelicke ende gonstighe quijtscheldinghe van den Burchgrave mit zijnen ondersaten, der gemeenre stede van Leyden, ten overstaen, ende by tusschen-spraecke, niet alleen van zijnen hier boven genoemden, maer van noch veel liever ende vast-bindender maghen ende vrienden: om twelck beter te begrijpen, zalmen naerder ende claerder onderrechtinghe becomen uyte quitantien hier inne ghelijft.