Der stadt Leyden Dienst-bouc

[Hertoghe Willem van Beyeren, Graue van Henegouwen]

Hertoghe Willem van Beyeren, Graue van Henegouwen, van Holland, van Zeland, ende van Vriesland, doen cond allen luyden dat bi onsen] consente ende vville is dat onse lieue ende ghetrouvve Here Dieric van Wassenaer, Borchgraue van Leyden, ouer een te draghen, ende] ene effeninghe te maken mit onsen goeden luden van onser stede van Leyden: Ende vves hi bi sinen vrienden daer toe doet, ende] bi den horen die si daer van beyden ziden toe voeghen, Des sie vvi vvel ghepayt, ende houden dat stade ende vaste voir ons ende voir] onsen nacomelinghen tot evveliken daghen. In oirkonde desen brieue beseghelt mit onzen seghele. Ghegheuen inden Haghe op sente] Katelinen auond, int jaer ons Heren M^o C C C seuen ende vijftich.

Onder staet gheschreven Iussu Dn̄i, ende wat lager Pn̄fj Choirepo t'iectñ & dño W^o de Wat'ring. Ende is onderteeckent W. H'm̃.

Den voorgaenden brief bestaende, volgende de afdeelinghen hier voren, van vijf gheele, ende eenen halven regel, was geschreven op een stuc franchijns, lang acht duymen, een greyn: hooch twee duymen, zestalf greyn: ende bezegelt aen eenen enckelen uytghesneden staert, van omtrent vijftalf greyn, mit een groen wasschen zegel, hooch in zijn dwers-linie omtrent elf greynen: daer inne afghebeelt stont een tweehoofdighen vlieghenden Aernt, de borst gewapent mit een gequartilleerden schilt, ter rechter zijden mitte wapenen van Beyeren, als dwerssche ruyten: ende ter slincker zijden mitte wapenen van Henegouwen, &c. als vier climmende Leeuwen: den ommeloop daer inne staende, meest gebroocken ende wech.