Der stadt Leyden Dienst-bouc

[Willem Hertoge van Beyeren, Graue van Hollant]

WIllem Hertoge van Beyeren, Graue van Hollant, van Zeelant, ende heere van Vrieslant, maken cont allen luden, vvant onse lieue ende ghetrouwe Jan heere van Egmonde, Jan heere van Waterlant, Gheret heere van Eemskerke, Jan vander Wateringhe, Jan de Moilner, Gheret van Egmonde, Jan van Bloemensteyne, Willem van der Wateringhe, Ridderen: Jan van Arkel, Jan heere van Cuylenburch, Jan vander Noordelois, Heynric van Eemskerke Heynrix soen, ende Danel van Toleysen Knapen. Ende onse lieue ende ghetrouwe Steden, alse Dordrecht, Delf, Leyden, Herlem, Aemstelredam, Alcmaer, Medenblic, Oudewater, Sente Gheerdenberghe, Sciedam, Rotterdam, ons vvel ende trouwelic mit horen maghen, vrienden, ende hulperen bi gestaen hebben, ende daghelix bi staen, om ons Graue ende Here in onsen Graefscepen van Hollant, van Zeelant, ende heerlicheyt van Vryeslant te helpen houden, ende onse vyande helpen vvederstaen, die ons dier Graefscippen en Heerscippen voirscreuen virdriuen vvillen: ende ons, ende onse vrienden voir-

[p. 30]

screuen, mit alre ondaet, pinen ons lijfs ende goits te virdriuen ende te rouen, alse heere Willem van Duuenvoirde, heere Jan van Pollanen, ende sine Broeders, heere Dirc van Brederode, heere Arnt van Duuenvoirde, heere Jacob ende heere Harbende vander Binchorst, heere Harbaren van Rieden, heere Florijs vander Boichorst, heere Gheret van Heemsteden, heere Jan van Merensteyne Ailbrechts soen, heere Willem van Outsorne, heere Dirc van Raporst, ende heere Gheret van Poilgheest Ridderen: heere Mathijs vander Burch Priester, Jan van Noertich, Jan vander Made, Reyner Deuer heeren Gherijt soen, Gherijt die euer Jans soen, Florijs van Raporst, Kerstant, Wouter ende Anders hoer broeders van Raporst, Gherets kinderen, Arnt van Groeneuelt, Jan vander Burch, Jan Symons soen, Jan Symons soen vander Burch, Knapen: ende al hair ghesinde ende mede hulperen ende ghestarket hebben jeghens ons, ende ons alle saken die onse lieue ende ghetrouwe hulperen ende vrienden, ende alle hair maghen, vriende ende hulperen ghedaen hebben, of doen sellen, In vvilker vvijs dattet ghesciet is, of ghescien sal om onsen vyanden ende horen hulperen voirseit, te deren ende vvi ghelouense daer of tontheffen, ende hun te volstane: Ende ghelouen onsen lieuen ende ghetrouwen vrienden ende hulperen, voirscsreuen, voir ons ende voir onse nacomelingen, dat vvi dese voirghenoemde luden onse vyande ende hoir hulperen alse voirscreuen is; ende horen kinderen vyt onsen Graefscipen ende Landen voirs. houden sullen, ende nimmermeer mit ons te laten zoenen, noch in onsen Landen te laten comen, noch op alsulken goeden als hore plaghen te vvesen eer sise jeghens ons virbuerden, ten soude vvesen bi volcomen goidenken ende nade onser lieuer ende ghetrouwer Ridderen, Knapen ende Steden voirnoemt.

Voert soe ghelouen vvi onsen lieuen ende ghetrouwen hulperen ende vriende voirs. dat vvitrouwelic ende vvel bi hun vviuen sullen, als een goit Heere bi sinen lieuen ende ghetrouwen Ridderen, Knapen ende Steden billic blijuen sal. Ende vvi en sullen onser Graefscappen, ende Heerlicheyt voirs., noch der vp cominghe van Henegouwen nimmermeer virtyen, of gaen, quijtscelden, vircopen, virsetten, beleenen, virpachten, noch heel noch deel dair of vyt onsen handen brenghen, ten sie bi rade ende goidenken onser Ridderen, Knapen, ende Steden voirnoemt.

Voert bekennen vvi vvaer dat onser ghebrakt sonder vvittachtige gheboirte van ons te laten, des God virbieden moit, dat Hertoge Ailbrecht onse Broeder dan recht Oer, ende lants Heere is van onsen Graifscepen ende Heerlicheyt, onse Broeder, die dan naest hun ouste waer, nederwaert: In alre manieren alse onse Vrouwe ende Moeder die Keyserinne van Roemen, bi hant ons liefs heeren ende Vader des Keysers van Roemen, die God ghenadich zie, ende bi hant Hertoge Lodewijcs onse ouder Broeders, ons an desen Graefscipen ende Heerlicheyt Voirs. ghegoit hebben, ende te comen vp onsen Broederen in zulker manieren alse voirscreuen is. Ende hieromme bidden vvi, ende ghebieden mid vterlicken begheerten ende vvillen, ende oic omme dat recht is, onsen lieuen Ridderen, Knapen, ende Steden, ende anders al onsen ghemienen landluyden, Edel ende onedel, Poerten ende Dorpen, ghenoemt of onghenoemt, vvant vvi vvillen of onser ghebrake alse voirs. is, dat si rustelic, ende sonder discoert haren rechten Heere vveten moghen, dat sine dan ontfanghen ende houden, voir haren rechten lants heere, Hertoge Ailbrecht onsen Broeder, of onsen outsten Broeder naest ons nederwaert die dan vvare, vvaert dat Hertoge Ailbrecht naest ons niet en leuede, alse voirscreuen is, jof dat ziere ghebrake na ons sonder vvittelike gheboerte, in manieren dat Hertoghe Ailbrecht voirs., of onse outste Broeder naest him voirs. vvaer Hertoghe Ail-

[p. 31]

brecht niet binnen onsen Landen ende Steden voirs. quame sonder heercracht, ende sonder yemand mit him te brengen van onsen vyanden voirscreuen, noch van hore partye vvare: ende hi onsen goeden luden ghemeenlic, Ridderen ende Knapen, Steden ende ghemeenten svvoer, ende seghelde al haer recht ende hantuesten te houden, ende die Graefscepen ende Heerlicheyt heel ende alinghe hun nymmermeer after te gaen, noch te virtyen, noch onse vyande voirs. nimmermeer in den Lande te laten comen na alden manieren die voirghescreuen sien. Ende om dat vvy vvillen dat onse lieue ende ghetrouwe Ridderen, Knapen, ende Steden voirs. in allen poynten vvel bewaert zijn, ende eendrachtich bliuen, ende onser broedere engheen, noch onghenen anderen Here ontfaen, dan onser Broderen een, In der manieren alse voirscreuen is, Soe hebben vvi him ghebeden, gheheten, ende beden, bidden, hieten, ende ghebieden dat zi him des verbinden eendrachtich te bliuen, ende nyemant anders te doene dan voirscreuen is. In oirkonde des briefs open beseghelt mit onsen seghel. Ghegheuen des sonnendaechs vpten beloken Pijnster-dach vpten drie ende twintichsten dach van Meye, int Jaer ons Heeren duzentdrie-hondert een ende vijftich.

[Getrocken ende genomen uyt tvoorgaende oude Privilegie bouc]

Getrocken ende genomen uyt tvoorgaende oude Privilegie bouc, beginnende aen de tweede zijde van het achtste bladt, ende eyndende mit de tweede zijde van het negende bladt.

Op de Privilegien ende brieven hier voren vervatet, ende inne-gelijft, mit ernst lettende, ick mit verwonderen ghezien hebbe tghene Pontus de Heuter stelt in zijnen gheslacht-boom van den huyze van Wassenaer: Dat Philips, zone Henrix, Heere van Wassenaer (die hy stelt int jaer 1319. overleden te zijn) van Hertoge Willem van Beyeren, de tweentwintichste Grave, van tBorchgraefschap der stadt Leyden af ghestelt zoude zijn, om dat hy in den jare 1356. mit toorn ontsteecken zijnde, ghescheurt hadde eener edeler Vrouwen brieven, mit des Graven van Hollants zeghele ghezegelt zijnde: daet by vougende dat de ghemelte Heer Philips van Wassenaer ghestorven zoude zijn in den jare dertien-hondert ende zessentzestich. Niet dat ick zulx van onwarachticheyt voor ghenomen hebbe te beschuldighen, maer ghedraghe my totter waerheyt, ende tot de brieven die daer van in wezen mogen zijn: Zo vele isser van, dat het voor-verhaelde, mitsgaders tvorder van zijn, de Heuters, schrijven, aengaende den huyze van Wassenaer, mit de voorgaende by my hier voor-ghebrochte brieven (van onwedersprekelicken gheloove zijnde) niet over een en coemt: in voughen dat elck een mit goeder redenen ophouden mach zulx volcomelicken te gelooven, zo langhe daer op (om te ghebruycken de eyghen woorden van tprivilegie Graven Willems van dijnsdage naer Jaersdach 1340.) een waerheyt verzocht, bezeten, ghehoort, ende ghescheyden zal zijn.

Ende hier mede ghenouch ghezeyt zijnde vanden twijffel of het Borchgraefschap van Leyden van outs aen den huyze van Wassenaer ghehoorich zy gheweest, zal de redene hernemen daer ick die ge-

[p. 32]

laten hadde, ende by brenghen wat gheschil tusschen den Burchgrave ende der Stadt gheweest zy inden Jare 1357. ende hoe tzelve by raedt ende believen vanden Grave, is ter neder geleyt: Om twelck te verstaen, dienen zullen de brieve hier inne ghelijft.