Eerste bouck van beschryfvinghe van alle gheschiedenesse (1562-1572)

[p. 11]

Augustyn van Hernighem
Eerste bouck van beschryfvinghe van alle gheschiedenesse (1562-1572)

(Het handschrift berust op de Stadsbibliotheek van Kortrijk, Fonds Goethals, cod. n^o 296)

[p. 13]

(Voorwerk)

[Buitenpagina]

Ghemeenelyck 't is naer dat es gheweest, zoo bleeghe 't te gheschien 'T zal hem laeten blycken laest oft iest, zulcx es meer ghezien.

[Schutsblad r^o]

Incarnation

Van het gheboorten van de alder vermaersten keyser Carolus Quintus

nota:

maect van elcke letter XXV zent doe was ons keijser te Ghendt

Incarnation

Van dat die stadt van Pavien beleit was ende den coninck Fransoys van Valoys ghevanghen wort

Bij Pavien daer diverschen prys lach

Flande de lelie op sente Mathijs dach

Incarnation

Van dat die stadt van Terruwaen ghewonnen

was van Carolus ons gheduchtich keyser was

twintich Wedemaent onder de Bourgoensche vaene

is ghewonnen clouckelyck de stede Terruwaenen.

een ander

Den twintischsten van Wedemaent zoe elck wel anzach

hadde de steden van Terrewaen eenen harten slach

Incarnation van den

guese schuere 't breken van dien

De guese schuere op 't Magdelenen kerckhof ghestelt

Den zessten in April, op den beloken Passchen ghevelt

Incarnation van de beroerte tot Yper aldaer als

eenen predicant ghehanghen was wel 30 poorters bleven

Den zesstienten in April, elck doens zach

T' Yper, ter maerct wesende, eenen derrelycken Woensdach

[Schutsblad v^o]

Tot Gods eere, soo beghyndt alhier zeker beschryfvinghe van alle waerachtyghe zaken gheschiet ende ghebuert binnen der stede van Ypere en lande van Vlaendere, Brabant, Henegauwe, Arthoys, Hollant, Zeelant, Vrieslant ende somma meer andere landen ende conynckrycken. Hierby noch ghevoucht alle justicie hier binder stede ghedaen, beghinnende in 't jaer 62 ende volghende, alle op de maerge, den hoeveelsten als n^o 1, 2, 3 ende alzoo voort met huerlieder delycte ende naemen, dach ende daete van den jaere ende maenden, ende onder wie zy gestorven zijn, alle dit

[p. 14]

zeer ghetrauwelycke ghescreven by Augustyn van Hernighem, fylius Jans, beghinnende ontrent Bamesse XV^c LXII. Byddende alle liefhebbers van wat te wetene dit zelve in dancke te neemen; ende esser eyt uutter oordene ghegaen van niet zeere clerckelyck gestelt dat in beste te keeren.