Auriacus, sive libertas saucia

[p. 129]

Memoriae nobilissimi doctissimique juvenis Georgij Dousae magni Iani Dovsae F.

Quid cineres isto frustrà, quid & ossa sepulchro

Quaeris Viator, corporisque relliquum?

Aspicis hic nudum modò nomen. caetera Pontus

Nereî furentis aula sortitò tenet.

Dousiades manibus Turcarum elapsus & oris

Phocis in alto victima infelix iacet.

Qui variasque hominum sedes aduectus & vrbes

Vtramque Phaebi vidit ardentis domum

Hunc pater Oceanus tandem, viridisque Palaemon

Thetisque toto conditum ponto tegit.

Sic, potuit totam qui viuus cernere terram;

Olli sepulchrum contigit, Totum Mare.