Auriacus, sive libertas saucia

Incomparabili ivveni Hvgoni Grotio cùm Silium suum offerret ei.

Nominis ô patrij sublimis gloria, faxque,

Cui nil Batavae spumeus terrae pater

Quâ validis circùm Cybelen complectitur vlnis,

Pontique lambit aestuantis ostia,

Cattigenisque suis domitum defendit Iberum;

Aequale quicquam, par nihil quicquam videt.

[p. 130]

 

Accipe praeclaro victurum sanguine Paulum,

 

Totasque Cannas morte pensantem sua

 

Annibalis fugientem animam, Hannonisque tumorem,

 

Tarpeïumque penè concussum Iouem,

 

Et formidantes summißis collibus Alpes,

 

Vltorque Elisae quicquid effudit Libvs

 

In dominum terrae ingentem, quassumque Quiritem,

 

Et iam labantis alta Romae maenia.

 

Ecce, meus praeco Libyes, Poenique furoris

 

At te superbam Consul affectat viam:

 

Ille orbis Latialis apex, gentisque togatae

 

Groti beatos iussus affectat lares.

 

Hactenus jnuictas potuit gestare secures:

 

Nunc hasce soli sponte summittit tìbi.