Auriacus, sive libertas saucia
(1602)–Daniël Heinsius–
Auteursrechtvrij
[pagina 98]
| |
Vnà cum parentibus sepultum.
Hic tumulus tres vnus habet. ter vina Viator,
Vnique ter flores sere:
Treis quos vnus amor tenuit, tenet vna sepultos
Tellus, breuique vinculo,
Amplexuque leui pariles amplectitur artus.
Ah cum parentibus suis
Claudius hic ingens ingenti clauditur vrnâ,
Togaeque purpuraeque honos.
Qui Regis cor dulce fuit, qui dexteram regni.
Tuique pars o Gallia.
Mitis amor blandis placidè sic iunxit amicis.
O dulce faedus! en iacet
In tumulo matris, iacuit qui matris in aluo:
In matre viuus, cumque matre mortuus.
|
|