Auriacus, sive libertas saucia
(1602)–Daniël Heinsius–
Auteursrechtvrij
[pagina 89]
| |
Danielis Heinsii Iambi partim morales, partim ad amicos, partim amicorvm Cavsa scripti. | |
[pagina 90]
| |
Petri Scriverii Scazontes.
Amice magne, ô insolens Caballini
Potor fluenti, Musicique concessûs
Dictator Heinsi; quò rapis tui plenos
Lepore? quas nos ducis in specus Frater?
Iamdîu Cothvrnvm vidimus Sophoclevm,
O non inane cymbalon Tragoedorvm!
Nunc nos quid istis (nam fatebimur verum:)
Inusitatis cogis emori Iambis?
En qui solebat impigro celer passu
Ad te venire Iambvs, iste nunc jurat
(Misellus heu!) se Clavdicare vix posse.
Placet, Poëta, hoc ergò? pro Tribunali
Sedere te plorantibus Magistellis!
Hîcque è Curuli carmen ad Iuuentutem
Referre sanum, vividumque! Nos verò
Blennos, ineptos, perperos, Poëtastros
Iacére mancos cruribusque praefractis!
Feramus, ô, feramus: osque Romani
Sermonis istud Atticique discamus
Optare cunctos, impetrare felices.
|
|