Auriacus, sive libertas saucia

[p. III]

Pag. 65. post illa: curaque somni Somno, Nutrix, longior ipso est. inserantur haec.

Talis, ad vndas cum, Scaldi, tuas
Propè fatali concidit ictu,
Horrida multo sanguine, Nutrix,
Sustulit ora.
Quid tamen haec nunc iterum, Divi,
Cura recursat?
Ite sinistrae nubila mentis.
Felix modicos quisquis sentit
Pectore motus! felix placidi
Rector aratri, felix teneri
Dux armenti. Viridi tutus
Ille sub umbrâ tepidos halat
Pectore somnos: lassior illic.
Videt aequa suae somnia vitae.
Et modò dulces amittit oves,
Modò surreptam pallet avenam.
Haec domus illi,
Totaque res est.
‘Felix quisquis tenuis tranat
Tempora vitae!
Felix quisquis modico sortem
Fallit agello!
Felix quisquis mediae fallit
Agmine turbae!
Numeroque latet tutus in ipso.’