Psalmen Davids na d'Ebreeusche waerheit

Exaudiat te Dominus.
Psalme. XX.

Tvolck ziende haren Conijnck gaen naer eenen grooten strijd, roupt God aen, dan dancken zy hem, als alreede verzekerdt zijnde van de victorie. Eenen Psalme seer eyghen om de ghemeente, beuochten sijnde van alle syen, van de ongheloouighe Princen.

DEn Heer' verhoor' u ghebed crachtich In
des benautheits dagh, Den naem' van Iacobs

[p. 49]

God almachtich Verhef u zo hy plagh.
Hy wil u sterckt' en hulp'verleenen Van
zijn stad heligh vonden, En onderhouwen
u med eenen Van Syon t'allen stonden.

Den Heere ghedinck' u offranden

(Als die hem bequaem zijn)
Laete dijn offre in asschen branden
Tsi zo t'allen termijn.

Hy wil u gheuen zonderlijnghen

Naer dijns herten begheeren,
Ende gheluckelic volbrijnghen
Al u doen en affeeren.

Den Heere die wil doch verhoren

Dijn ghebed menichfaut

[p. 50]

 

Op dat wy mueghen vrueghd oorboren

 

Midts dijn zaligh behaud.

 

Ende dan oprechtende wezen

 

De bannieren van vreughden

 

Ende dat inden naem gheprezen

 

Van onsen God vul deughden.

 

 

 

Segghende nu heb'ick beseuen

 

Dat den Heer' heeft bewaert,

 

En bystant of hulpe ghegheuen

 

Sinen Coninck vermaert.

 

Hy verhoort hem van d'helighe stede

 

Des Hemelsch t'allen tyde

 

Deur de zalighe deughd'lichede

 

Van zijnder rechter syde.

 

 

 

Onse vianden die ons deerden

 

Betrauwen op cranck riet,

 

D'een op waghen d'ander op Peerden

 

Elc hem altoos verliet.

 

Maer wy sullen naer den betaeme

 

Altijdts ghedincken louen

 

Den grooten en helighen naeme

 

Van God den Heere hier bouen.

 

 

 

Siet zi zijn vutgheworpen alle

 

En zijn t'onder ghegaen:

 

Sy meenden ons bringhen te valle

[p. 51]

 

Die sullen bliuen staen.

 

Verlost ons altijd ô goed' Heere

 

Den Coninck hoor' ons claghen

 

Als wy sullen roupen so zeere

 

Tot hem in alle daghen.