Psalmen Davids na d'Ebreeusche waerheit
(1565)–Lucas de Heere–
Auteursrechtvrij
[pagina 15]
| |
Dauid vluchtigh zijnde, en hebbende veel gheleden, oock verwachtende noch meer te lijden, deur d'oorstekers die by Saul waren, voughd zijn ghebed tot God, en ghetroost hē met te ghedijnckene, dat den Heere altijd de boose haete, en̄ de goede gheionstich is.  HEere zijt mijn woorden gha' slaen̄ V ooren
te bughen verneert, Op dat ghy mijn propoost
noteert Sijt mijn heym'lic gheclagh ontfaen̄,
Ende verstaende.
Anhoort togh mijn roupen, en claghen
Mijn God, en Coningh, ouer al:
VVant u (en niemand el) ick zal
Dese mijn ghebeden toedraghen
Ende ghewaghen.
Ghy sult my verhooren met staci'
| |
[pagina 16]
| |
Van den morghen stond (weet ick wel)
VVant seer vrough sal ick schicken snel
V te doene (Heere) mijn oraci'
En wachten graci'.
VVant ghy sulck een God sijt beuonden
Die gheene boosheit en bemindt,
Noch met wien, die ghy quaed bevindt
En sal wonen: noch oock de zonden
T'eenighen stonden.
Dwase of verkeerde (zoo wy maercken)
En durfuen u niet commen by,
Ofte voor dijnen ooghen vry:
VVant ghy haett all' die boosheit waercken
En daer in staercken.
Ghy sult alle die lueghens spreken
Te niet' doen, en verderfuen nu,
Oock hebdy (ô Heere!) eenen gru
Van die als doodslaghers haer wreken
En valschaertstreken.
Ick zal commen (rustende eendrachtigh
Op u seer milde goetheit bloot)
Tot uwen Temple, en huuse groot,
Anbidden met u vreese crachtigh
V God almachtigh.
| |
[pagina 17]
| |
O Heere beschict my van deghen
En dat deur u gherechticheyt
Om die my laghen heeft gheleyt
En effent voor my dijne weghen
Al naer v pleghen.
In haren mond is niet beseuen
Rechtsinnicheyt: maer is altoos
Haer binnenste gheel aergh en boos:
Haer kele een open graf ghebleuenGa naar margenoot+
Smeekende hier neuen.
VVilt haer opstel ter aerden slechten
En maects' in haer zaken confuus
Verwerpts' om haer zeer groot abuus
VVant ieghens u alleen zi vechten
En haer vprechten.
Maer wild al die in u betrauwen
Gheuen eewighe goede vreught,
En bedect haer med dijner deught:
Die dijnen naem' in eeren hauwen
Laett vreughd anschauwen.
VVant ghi dijnen seghen laett strecken
Ouer d'oprecht' ende zijn deel,
Hem croonende med weldaet gh'eel
Soo den schild yemand magh bedecken
In alle plecken.
|
|