Rymkronyk van Jan van Heelu betreffende den slag van Woeringen van het jaer 1288

CCXXII. 5 mars 1292.

Nos Johannes, Dei gratia dux Lotharingiae, Brabantiae et Lymburgiae, notum facimus universis, quod Nos viris religiosis nobis sincere dilectis, abbati et conventui monasterii sancti Michaelis

[p. 577]

Antwerpiensis, ordinis praemonstratensis, indulsimus, ut dicti religiosi omnia bona, quae Henricus de Filfordis, dictus ex Curia, miles, a nobis in feodum tenere solebat, apud Nederhockesele, perpetuo in hereditatem, sub annuo censu, videlicet quodlibet bonarium de bonis praedictis sub uno denario Lovaniensis monetae, currentis in Brabantia, ab Henrico supradicto seu ejus heredibus, teneant jure hereditario, et eisdem fruantur pacifice et quiete. In cujus rei testimonium sigillum nostrum litteris praesentibus est appensum. Datum anno Domini M^o CC^o nonagesimo primo, feria quarta post dominicam Reminiscere.

[Folio xxxv, verso.]