CXLVI. 8 novembre 1289.
Lettres de Jean, duc de Brabant, par lesquelles il reconnaît avoir reçu de Renaud, comte de Gueldre, 4300 marcs de Cologne, selon l'ordonnance du roi de France.
Nous Jehans, par le grace de Diu dus de Lotthier, de Brabant et de Lembourgh, faisons à savoir à trous, ke Nous avons eut et recheut de noble homme Renaut, conte de Ghelre, quattre mil et trois cens mars de Colengnois, es queils li devant dis cuens de Ghelre et si pleige estoient tenut enviers Nous de paier, à jour des octaves de la feste des Tous Sains, par le dit et par l'ordenance ke tres haus et nos tres chiers sires li rois de France dist, dont Nous nos tenons plainement à sols et à paiet, et quitons le devant dit conte, et ses pleiges, à tous jours, de toutes les quattre mil et trois cens mars de Colengnois deseure dites, par le tesmoing de ces presentes lettres, saelleies de nostre propre sael, doneies en l'an Nostre Seingneur M CC LXXXIX, le jour des octaves de la feste des Tous Sains.
L'original, muni du sceau en eire jaune, aux archives de la Flandre Orientale.
Auteursrechtvrij