CXLV. 8 novembre 1289.
Lettres de Jean, seigneur de Kuyk, par lesquelles il statue que les 4000 marcs dus par le comte de Flandre au duc de Brabant, seront payés à raison de 12 sols le marc.
Johannes, dominus de Kuck, miles, universis praesentes litteras visuris, salutem. Cum nobilis vir et honestus dominus Guido comes Flandriae, marchio Namurcensis, nobili viro et honesto domino Johanni, Dei gratia Lotharingiae, Brabantiae et Limburgiae duci, in quatuor millibus marcas Brabantinas fuit obligatus, et cum mercatores Gerardini de Florentia, et Lottinum ejus socii, ex una parte, et dominum Walterum Volcart, dominum Ywanum de Meldert, milites domini ducis, ex altera, supra qualibet marca quaestio verteretur, cum Gerardus et Lottinus praedicti tantum pro qualibet marca decem solidos Brabantinos solvere voluerint, et dominus Walterus et dominus Ywanus, milites praedicti, non minus quam duodecim solidos Brabantinos pro qualibet marca recipere, tandem in Nos pro bono pacis recepimus, quod G et L praedicti praedictis Waltero et Ywanno militibus deliberare deberent pro qualibet marca duodecim solidos Brabantinos, in hunc modum, quod si praedicti G et L pro qualibet marca tantum deliberare non deberent, illud quod magis solverint ipsis solveremus, et per praesentes ipsis solvere Nos obligamus, praesentium testimonio litterarum sigillo nostro sigillatarum. Datum anno Domini Mo CCo octogesimo nono, feria quarta ante festum sancti Martini Hyemalis.
L'original, muni du sceau en cire verte, aux archives de Lille.
Auteursrechtvrij