Rymkronyk van Jan van Heelu betreffende den slag van Woeringen van het jaer 1288

CXXXIII. 29 juin 1289.

Lettres de Cones et Henri de Lonchin, chevaliers, par lesquelles ils cèdent au comte de Flandre leur maison de Lonchin que le duc de Brabant avait fait abattre, et autres biens¹.

A tous chiaus ki ces presentes lettres veront et oront, Nous, li prevos, li doyens et tons li capitles de le eglise saint Albain de Namur, salut et conoistre veriteit. Nous faisons savoir à tous, ke Nous avons les lettres mon signeur Cuone de Loncyn, et mon signeur Henri son fil, chevaliers, entieresment cancellés, ne en nulle partie de elles vicieuses, de leur saiaus saelées, tenues luites et veuves¹, en teis parolles. A tous chians ki ces présens lettres veront et oront, Nous Cuenes de Lonchin, et Henris ses fuis, castelains de Sprimont, chevaliers, salut et cognoistre veritei, Nous faisons a savoir à tous, ke Nous avons vendut à noble home, Guyon, conte de Flandre et marchis

1 La terre de Lonchin fut rachetée par eux en 1293. Voir S^t-Genois, Monumens anciens, I, pag. 992.

1 Claires et neetes

[p. 497]

de Namur, nostre maison de Lonchin, ke li dux de Brebant fist abatre, et tonte le proprise, ensi comme elle s'estent, et si avant ke Nous le tenimes, au jour ke Nous le tenimes onques plus en pais, et li avons encore vendut allues¹, terre censaus, cens, rentes, preis, viviers, et de quant ke Nous avons eus es lius devant dis, et ens es appendances, et avoir poiens, jusques au jour ke ceste lettre fu donnée, et nostre vewerie² ausi de Lonchin, et toutes les droitures ki à le vewerie appartienent, et avons encore vendut à noble home le conte deseur nomeit tont nostre yretage, ke Nous tenons en le ville de saint Plovoir, et ens es appendances, et le blé de rente, c'on nous doit à Lumiers, et tout ce ke Nous avons el tonnieu ke Nous tenons en le dukeit de Lembor, ke Nous soliens leveir à Henri-Capelle, et li avons encore vendu le maison de Herves et les appendances, et de quant ke Nous i aviens, et avoir poins, jusques au jourdui. Et je Henris deseur nomeis ai vendut à noble homme Guyon, conte de Flandres et marchis de Namur deseur dit, tout ce ke je ai el chastiel de Sprimont et en le terre, c'est à savoir le chastelerie et les appendances dou chastiel, et de le terre tont ce ke je y avoi, et i poioie avoir, jusques au jour ke ceste lettre fu donnée, hyretaulement à lui et à sou hoir. Et de toutes ces maisons et ces choses devant dites doit paier li cuens deseur nomeis à nous Cuenon et Henri, chevaliers devant dis, ou à l'un de Nous deus, ki de ce apporteroit lettres oviertes de l'autre, quatre mille mars d'esterlins Braibenchons, douze sols des sterlins pour cascun marc, ou monoie ausi vallant, et Nous doit encore paier trois cens mars de le monnoie deseure ditte, pour les despens ke Nous avons fais et ferons en wardent les maisons deseurdittes, de le saint Remi, ki passée est novellement, jusques à le quinzaine de le saint Jehan Baptiste apres suivant; et Nous doit li cuens deseur nomeis paier le somme d'argent deseurditte, dedens le quinzaine de le saint Jehan deseur nomée, à le Roche en Ardenne, et si tost ke Nous serons segurement de le somme d'argent à avoir, ensi ke dit est, Nous devous les maisons deseure dittes delivreir au conte de Flandre deseur nomeit, ou à celui ki special mandement en apporteroit à Nons de par lui par ses lettres oviertes, et quelle heure aussi ke li cuens deseure nomeis ou ses certains messages, ki ses lettres oviertes Nous aportera, pour ce à faire Nous requerra ke Nous alons ens es cours, dont les maisons et li hiretage deseur dit muevent aleir, i devons werpir l'yretage devant nomeit et le conte devant dit ahireteir³, ou autrui de par lui, ki de ce aporteroit ses lettres oviertes, sauf ce ke li cuens devant dis ou autres de par lui Nous i mainst et remainst segurement, et est à savoir ke Nous ne poions, ne ne devons les maisons ne les hiretages devantdis vendre ne enwagier, ne mettre en autrui main, ke en le main le conte deseur nomeit, ou de celui ki ces lettres oviertes aporteroit pour ce à feir, encore li devons Nous delivrer toutes les lettres ke Nous avons de nos chiers sengneurs le duc de Lembour, ki mors est, le conte de Ghelre et de mon signeur Walerant, signeur de Monioe et de Fakomont, ki Nous furent données pour les maisons et les hiretages deseure dis, et se aucune lettre en demoroit envier Nous, par aventure, ki ledit conte de Flandres pois nuire, et nous aidier, Nous y renonchons et volons qu'elle n'ait point de force. Et avons enconvent à tenir teile pais et teis triwes, Nous et nous aiwes, ke li cuens de Flandres fera et donra au dux de Brebant, de le werre de Lembor, pour nostre chier sengneur le conte de Ghelre. Et parmi toutes ces choses deseure dittes, Nous clamons quitte au conte de Flandre, et au conte de Ghelre deseure nomeis, tous clains et toutes actions, ke Nous aviens et avoir poiens envier iaus, jusques à ce jourdui, sauves dis marchiés de terre al esterlin par an, ke nos chiers sires li cuens de Ghelre deseure

1 Allues, alleux.

2 Vewerie, avouerie

3 Ahireteir, adhériter, mettre en possession,

[p. 498]

dis donna à chascun de nous deus, en fiés¹, et avons encovent Nous Cuenes deseure dis, ke Nous ferons compteir à Elis, nostre chiere feme et compaigne, teil doaire et tel droit qu'elle a eus es hiretages et es lius deseure dis, à l'ensengnement de sainte eglise, ou ensi ke li cuens de Flandre de seure nomeis trovera à se consel, ke besoins li sera. Et Nous Cuenes et Henris de Lonchin, chevaliers deseure nomeit, promettons toutes ces choses descure dittes à faire, et à emplir, ensi ke dit est, et de ce obligons Nous, Nous et nos hoirs et le nostre, en quelconques liu Nous l'avons et poons avoir, en quel justice ke ce soit. Et pour ce ke toutes ces choses soient fermes et estables, Nous avons mis nos saiaus à ces presens lettres, en tiesmoignage de verité, ki furent faites et données l'an de grasce mil deus cens quatre vins et nuef, le jour saint Piere et saint Paul apostles. Et Nous li prevos, li doiens et li capitles de le eglise saint Albain de Namur deseurdit, en tesmoignage ke les devantdittes lettres avons tenues luites et veirwes, en le maniere ke chi deseure est escrit, avons mis nostre saiel de nostre eglise devantditte à ceste presente lettre, ki fut faite en l'an de grasce mil deus cens quatre vins et dis, lendemain de le saint Remi (14 janvier 1291).

Vidimus au dàpôt des archives à Lille.

1 Fiàs fief