Rymkronyk van Jan van Heelu betreffende den slag van Woeringen van het jaer 1288

[p. 479]

CXXII. 16 décembre 1288.

Lettres de Guillaume, évêque de Cambrai, par lesquelles il prononce ultérieurement sur le défaut dans lequel le duc de Brabant se trouvait.

Nous Willaumes, par le grace de Dieu eveskes de Cambrai, faisons savoir à tous ceaus, ki ces presentes lettres veront et oront, ke conme nobles hom nos chiers oncles mes sire Guis cuens de Flandres et marchis de Namur, pour noble home Renaut conte de Ghelre, ses aidans et ses aloiés, d'une part, et nobles hom Jehans, par le grace de Dieu dus de Lothr. et de Braibant, pour lui, ses aidans et ses aloiés, d'autre part, se fussent mis sour Nous de tous debas, weres et contens, ki sunt et ont estei entre les parties devant dites, pour l'oquoison de le ducée de Lembourg, si comme il apert par les lettres et les compromis, ki de ce sunt fait; Nous, pour aler avant eu le besongne, à ciertain jour sour ce assenet as parties par devant Nous, pour oir et metre à oevre no dit et no ordenance, en tout ou en partie, à une fois ou à pluseurs, si coume faire le poienmes par le fourme dou compromis, desimes et ordenames à cele fois en teil maniere, ke li dis cuens de Flandres, pour le conte de Ghelre et de par lui, mesist en no main Lembourg, Rode et Sprimont, et les appendances, et li dis dus de Braibant mesist ausi en no main le devant noumeit Renaut conte de Ghelre, pour faire no volontei de lui et des castiaus devant noumés, si coume ces choses aperent par nos lettres, ki de ce sunt faites. Et coume li devant dis cuens de Flandres Nos euist mis en main pour faire no volenté Lembourg et Rode et les apendances, et li dis dus par parole et par un want¹ nos euist mis en main le devant dit coute de Ghelre, ja soit ce chose k'il en demorast tous dis saisis u al deseure de le saisine. Nous sour l'esperance de ce ke le dis dus Nos proumist, et ses consans pour lui, ke toutes les fois k'il Nos plairoit il Nos deliverroit quitement le dit conte de Ghelre pour faire ent no volontei, delivrames au dit duc Lembourg et Rode, et les appendances, et ce fait nous li requisimes, qu'il mesist en no main le dit conte de Ghelre, le quel chose li dus nous refusa del tout, et en fu en defaute et est encore. Apries ce Nous parlames au dit conte de Ghelre emprisonnet à Nivicle et ostet contre no volenté dou liu u il avoit esteit meneis par no greit, et la, par devant reverent pere mon segneur Jehan, par le grace de Dieu eveske de Liege, par devant Nous ausi et en le presence de pluseurs autres, li cuens de Gheldre grea, otroia et assenti de s'en espaingue volenté, sans force, sans peur et sans constrainte, le compromis devant dit, ki avoit estei fais par mon segneur de Flandres, einsi coume dit est, et Nos requist, ke nous alissienmes avant el dit compromis et desissienmes et ordenissienmes no volentei sour le paine de cent mil livres de par. contenue ou compromis, et estavli li dis cuens de Ghelre certains procureurs pour no dit poursivir et à emplir, et pour le paine paier se ele fust fourfaite de par lui, et pour demander ansi et recevoir le dite paine se li dus le fourfesist. Et se fait nous ajournames les dites parties à certain jour par devant Nous, sour le paine de cent mil livres de par. à rendre et à paiier selonc le fourme dou compromis, pour oir et metre à oevre no dit et no ordenance en tout ou en partie, selonc ce

1 Want, garant.

[p. 480]

ke boen Nous sanbleroit, al queil jour Nous engoinsimes au dit duc de Braibant, present par devant Nous, les procureurs le dit conte de Ghelre presens ausi, sour paine de cent mil livres de parezis, ke dedens certain jour et certaine eure et en certain liu, les queils Nous li noumasmes, il Nos delivrast le devant noumeit Renaut conte de Ghelre et le mesist en no main pour faire ent no volentet. De le quel chose faire le dis dus de Braibant fu del tout en defaute et est encore, ja soit ce chose ke Nous l'attendissienmes au jour et al liu devant dis, jusques à tant ke li eure fu passée, ki mise li estoit, si coume dit est, pour les queils choses il Nos sanle en verité et bien tiesmoingnons, ke li dis dus de Braibant n'a fait riens en tout, ne en partie, de ce pour quoi Nous li delivrames les castiaus de Lembourg et de Rode devant dis, anchois en est dou tout en defaute, et bien nos sanle raisons, ke li dis dus de Braibant ne doive goyr des dis castiaus, ke Nous li avons delivreis, ne des appendances, ne plus avant entrer en le saisine de le ducée de Lembourg, ne en houmages, ne en autre chose, devant k'il ait accomplit entirement no dit et no ordenance faite et à faire des choses devant dites, ne n'est nos greis, k'il autrement en goe de tant coume à Nous en monte et affierte par le tiesmoing de ces lettres, saielées de nostre saiel, faites et données en l'an de grace mil deus cens quatrevins et wit, le jeusdi apres le jour sainte Lucie.

L'original, muni du sceau, aux archives de Gueldre.