Rymkronyk van Jan van Heelu betreffende den slag van Woeringen van het jaer 1288

CXII. 31 octobre 1288.

Lettres de Jean, duc de Brabant, par lesquelles il s'engage d'exécuter la, décision à émaner de l'évêque de Gambrai.

Nous Jehans par le grace Diu dus de Lother et de Brabant, faisons à savoir à tous, ke comme des contens, des debas et des guerres, ki sont et ont estei entre Nous, nos aidans et nos alloiés. d'une part, et tres noble home Renaut conte de Gelre, ses aidans et ses alloiés, d'autre part, en l'ocoison du duchanie de Lembourch, soions mis, pour bien de pais, en reverent pere mon segneur Guillaume, par le grace Diu eveske de Cambrai, nostre chier cousin, de haut et de bas, en maniere et en fourme ki sensuit. Cest à savoir, ke li dis reverens peres peut entre Nous sur tous les debas devant dis ordeneir et dire, kan ke bon li sanlera, soit à une fois u à pluseurs, par lui u par autres, les queils il metera et nommera en son liu, et aront cil ke il i metera pooir de dire et d'ordeneir, sur les debas devantdis, solonc le pooir ke..l'eveskes devantdis leur donra, comme à ce Nous les parties devantdites nos soiens acordei, ke il ensi faire le puist, et ce ke li dis eveskes ara dit par devant entre Nous, demora ferme et estavle, et du remanent cil k'il ara mis en son lin poront prononcier, ordeneir et dire et aleir avant, solonc ce ke chargie leur sera. Cest dit et ceste ordenance, teile ke dite et ordenée sera soit par..l'eveske devantdit, u par autres, ke il metera en son liu, en teil point ke dit est entre Nous, avons Nous enconvent. Nous Jehans dus devantdis, à tenir bien et loament, sans jamais venir encontre, et sur paine de cent mil livres parisis prometons à faire che ke li dis eveskes, u cil ke il metera en son liu, dira u diront, ke Nous et li nostre aidant et nostre alloiet deverons faire à conte devantdis, et à se partie, en keil maniere ke ce soit, sur le dite paine, la queile paine nous seriens tenut de rendre et renderiens au devantdit conte s'il avenist chose, ke nous alissieus en contre. Et ja soit ce chose, ke li paine fust meffaite de par Nous, et paié, pour ce ne demorait mie ke li dis ne fust tenus fermes et estavles à tous jours. Et pour plus grant segurteit de ces choses devantdites à wardeir et à tenir, Nous avons mis pleges¹ et rendeurs pour nos hauts homes nostres chiers cousins mon segneur Phelippe d'Artois, mon se-

1 Pleges, cautions.

[p. 470]

gneur Hue de Saint Poul, Jehan conte de Drewes, Godefroi nostre frere, Rasse segneur de Lyedekerke, Oston segneur de Trasegnies, Jehan segneur de Kuc, Ernout segneur de Walchain, Robert segneur d'Aske, Gerart segneur de Rocelair, et Henri de Mourseke, chevaliers. Et Nous li plege devantdit, s'il avenist ke..li dus devantdis meffeist la paine solonc le forme desus dite, et fust en defaute de paier le, Nous tous ensanle, et cascuns de Nous pour le tout, par ensi ke li uns de Nous ne se peust excuseir par l'aiwe k'il doit avoir del autre, faisons nostre propre dette de la paine, et avons enconvent la paine à rendre et à paier au conte devantdit, et de cele paine à paier obligons Nous, Nous et le nostre, envers tous segneurs; et volons et leur permettons, ke il Nous et cecun de nous destrangnent¹ à ce en tout et en partie par Nous et par le nostre saisir et prendre u kil seroit trouveit sans Nous apeleir, se Nous estiens en defaute, et volons ke cil de Nous, ki à ceste lettre aront leur saeaus pendus, soient obligié entirement ausi comme se tout i eussent leur saeaus pendus, ki nommei sont en ceste lettre. Et est à savoir ke quant li dis sera dis et prononcies, et quant Nous..dus devant dis arons fait et accompliee ke engoint nous sera par..l'eveske u par céaus k'il metera en son liu solonc le fourme devant dite, nous plege serons quite de toutes obligances devant dite, mais Nous dus devantdis sommes tenu de wardeir à tous jours le dit et l'ordenance devantdite ferme et estavle. En tesmongnage de veriteit et pour ce ke ces choses soient fermes à tous jours, nous Jehans dus devantdis avons à ces presentes lettres pendu nostre sael avec le sael nobles homes et honestes les pleges deseurdis. Et Nous Philippes d'Artois, Hues de Saint Poul, Jehans cuens de Drewes, Godefrois de Brabant sires d'Arscot et de Virson, Rasses sires de Lyedekerke, Ostes sires de Trasegnies, Jehans sires de Kuc, Ernous sires de Walehain, Robers sires d'Aske, Gerars sires de Roceleir et Henri de Mourseke, chevalier, plege devantdit, avons à le pruere et à le requeste de noble prince le duc devantdit pendus nes saeaus avec le sien à ces presentes lettres, ki furent faites en l'an de le incarnation Nostre Segneur mil CC. quatre vins et wit, le veile de le Toussains.

L'original, autrefois scellé de douze sceaux, dont dix sont conservés, aux archives de Gueldre.

1 Destrangment, contraignent.