Rymkronyk van Jan van Heelu betreffende den slag van Woeringen van het jaer 1288

[p. 383]

L. Ex chronico monasterii Sancti Trudonis¹.

Anno eodem (1288) mensis junii, die quinta, Joannes primus Brabantiae dux, volens stratam publicam, ratione ducatus Lotharingiae, tanquam marchio sacri imperii inter fluvios Mosam et Rhenum, tutam et liberam ad deambulandum conservare, cum copioso exercitu ultra Mosam transiens, Woranc castrum obsedit, pro eo quod archiepiscopus Coloniensis Siverdus ibi raptores servaret, qui mercatores spoliarent, et captivarent. Quo audito archiepiscopus, cum multitudine², convocatis secum comitibus Gheldriae et Lutzenburgis, cui causam injuriae Joanni duci imponebant, eo quod ducatum Lemburgiae a comite Montensi acquisierat, in quo ipsi jus se habere dicebant. Praeter hos etiam multitudo principum accedens in auxilium archiepiscopi infinitum exercitum contra parvum ducis Brabantiae cuneum conglobabat. Praefatus igitur dux confidens de dei adjutorio, qui causis favet justis, ordinata suorum acie, constanter ab obsidione castri nolens cedere, ante planitiem dicti castri accessus, adversarum aciebus animose exspectabat. Congressum ergo est durissimum bellum, et post maximam sanguinis effusionem cessit victoria Brabantis, sed adversa parte adhuc cum secunda acie viriliter irruente tertia superaggreditur, ibi tam diu pugnatum est, ut congressus belli hujus, mane inceptus, ad vesperum usque extenderetur, sed tandem caeso comite Lutzemburgense cum fratre suo Walthero de Rupe, et aliis suis duobus fratribus naturalibus, cum pluribus armatorum, quorum numerus est virorum nongentorum, caeteris terga vertentibus, dux certaminis campum victor obtinuit, et captitavit praedictum archiepiscopum, Reynaldum comitem Gheldriae, Adolphum comitem Nassoviae, qui post non diu Romanorum rex efficitur, et multos alios nobiles et famosos. Ibi Waltrandus, dominus de Falcomonte, cum aliis multis nobilibus, aliis caesis, per fugam vix evasit. Praefatum castrum igitur dux in ipsa obsidione persistens deditum recipiens destruxit, et liberum securumque ibidem stratae transitum effecit.

Anno sequenti Joannes primus praefatus dux obsedit castrum de Falcomonte, sed amicabili interveniente compositione ab obsidione recessit, quia dominus ipse de Fal-

1 Chronique manuscrite du temps, dont je possède une copie, préparée pour l'impression par feu M. De Nelis, évêque d'Anvers, dans laquelle on lit ee passege, fol. 467.

2 Il manque ici quelque chose.

[p. 384]

comonte, ad obtinendum illius gratiam homagio duci facto, liberum transitum mercatoribus praestandum promisit inviolabiliter observare.....

Circa idem tempus (1294) Joannes dux Brabantiae apud Barram in hastiludio a quodam milite in brachio lanceatus graviter, in lecto aegritudinis militem, qui eum lanceavit, sibi adduci jussit, et causam suae caesionis integraliter indulsit, acceptisque ecclesiasticis sacramentis, devotus obiit.