Rymkronyk van Jan van Heelu betreffende den slag van Woeringen van het jaer 1288

K. Ex chronico monasterii Sancti Bertini³.

Henricus comes Lucemburgensis qui contra imperatorem Constantinopolis Namurgum acquisivit, moriens, tres filios post se reliquit, quorum primus patri successit. Ipse de uxore sua, filia Johannis de Avesnis, genuit illum inclitum Henricum Lucemburgensem, qui postea fuit in imperatorem coronatus et Pisis intoxicatus; habuitque filias duas, comitissam Flandrensem et comitissam Hannoniensem. Duo fratres juniores consilio duarum sororum suarum praedictarum, comitem Gueldriae, avunculum suum, constanter requisierunt, ut eis esset auxilio contra Johannem ducem Brabantiae, qui ab eis tollere volebat ducatum Lucemburgensem, ut dicebant. Comes Guelriae nepotum suorum constanter precibus et gratanter annuens, cum eis magno congregato exercitu, contra ducem Brabantiae venit; cui dux potenter debellavit prope Lemburgum in loco vocato Ourounc⁴. Guido, comes Flandriae, ut hoc discrimen imminentis

3 Même recueil de la Bibliothéque de Bourgogne. Il y a peu de différence entre ce texte et celui publié par Martene et Durand, Thesaurus anecdotorum, III, pag. 7.

4 Woeringen.

[p. 382]

belli sedare posset, locutus est cum duabus sororibus antedictis, comitissa videlicet Flandriae, uxore sua, et comitissa Hannoniae, quae toto posse fratribus suis assistebant; et quarum consilio fratres eorum supradicti cuncta faciebant, offerens se, si vellent, tractaturum de pace. Sorores omnino renuerunt; et sic Guido cessavit. Itaque pugna dura committitur, sed duci Brabantiae victoria cessit. In hoc praelio mortui sunt tres fratres Lucemburgenses, capti archiepiscopus Coloniensis et comes Guelriae, cum aliis magnatibus multis. Commissum fuit hoc praelium anno domini MCCLXXX. Dux Brabantiae sic victoria potitus, mutato signo suo bellico vocali, proclamavit: ‘ Lembourgh à celluy qui l'a conquis, ’ qui antea proclamare solebat: ‘ Loavain au riche duc. ’ Arma quoque de Lembourg, quae sunt argentea cum leone rubeo, cauda bifida cruciata nodata quadravit cum armis suis, quae primitus deferebat nigra cum aureo leone; quae suis praedecessoribus, dominis Louvanii provenerant de directa linea a regibus Lotharingorum et Austrasiorum, de quorum genere et armis dudum processerunt beati patres nostri, Audomarus atque Bertinus.

Guido comes Flandriae, auditis his novis, accessit ad comitissam uxorem suam, et ei cuncta narravit; et quomodo omnes tres fratres ejtis in illo bello perierant; et quod melius fuisset acquievisse a principio. Illa dolens et tristis rogat ut nepoti provideatur. Igitur intervenientibus pax concordata fuit per sic, quod ille nobilis juvenis Henricus Lucemburgensis, qui postca fuit imperator electus, ut supra dictum est, accipiat uxorem filiam ducis Brabantiae antedicti, de qua filium habuit nobilissimum, nomine¹ (Johannem), qui reginam Bohemiae habuit uxorem, unde rex Bohemiae nominatus est; archiepiscopus vero Coloniensis comes quoque Guelriae et alii pecunia sunt redemti. Iste Johannes dux Brabantiae cito post hoc in quodam hastiludio, quod comes Barrensis proclamaverat apud Barrum, per quendam militem nomine Petrum de Bausmes², brachii musculum lancea transfossus, ruptis venis et nervis, domum delatus, solis septem diebus supervixit.

1 En blanc. Dans le Thesaurus anecdotorum on lit N.

2 In Thesauro Bausines.