Rymkronyk van Jan van Heelu betreffende den slag van Woeringen van het jaer 1288

D. Du duc Henri et de ses Enfans² (Van Heelu, vs. 112 et sqq.).

Ce livre de Cleomadès
Rimai je li rois Adenès.
Ménestrés au hon duc Henri

2 Fin du roman de Cléomadès, par Adenez, rol des Ménestrels du duc Henri III, d'après le manuscrit fond Lavallière. Ce morceau a été publié par M. Achille Jubinal, dans ses notes sur la Complainte et la jeu de Pierre de la Broce ( livre tiré ù très-peu d'exemplaires et imprimé chez Techner, à Paris, 1835 )

[p. 352]

 

Fui, cel m'aleva et norri;

 

Et me fist mon mestier aprendre.

 

Diex l'en veuille guerredon rendre

 

Avec ses sains en paradis.

 

Loiaus princes fu et gentis,

 

Et bons, et beaus; et douz, et frans,

 

Et courtois. Ne fu-ce duels grans

 

Quant tez princes si tost moru,

 

Comme li bons dus Henris fu!

 

 

 

De sa mort fu deus et pitiez;

 

Mais ne pot estre respitiez

 

De la mort, car avoir le volt

 

Cil qui bien pooir dou faire ot:

 

Ce fut Diex qui les bons eslit.

 

A son oez por ce tost le prist

 

Et bien i parut à sa fin

 

Que vers Dieu avoit le cuer fin;

 

Car si son afaire fina

 

Que ne se porroit afin er,

 

Nus bom miex por en bien finer

 

Que il s'afina finement.

 

Mult prist graciex finement:

 

Muit doit bien estre la méfine

 

De celui qui en tel point fine

 

Que il una à son finer.

 

Li cors fist si l'ame afiner

 

K'ains afinez ne fu fins ors

 

Miex que l'ame afina le cors.

 

 

 

Diex par sa très douce poissance

 

Ait en gré prise la finance

 

De mon daerrain paiement;

 

Car mult le paia saintement

 

Ne li convint pas sermonner

 

Ne de Dieu riens amonester.

 

Il méismes s'amonestoit.

 

Lui et les autres sermonnoit

 

Qui illuec èrent assamblé.

[p. 353]

 

De gent y avoit grant plenté;

 

Car il méismes commanda

 

A tous ceaus qui estoit là

 

C'on féist tous les huis ouvrir

 

Et péussent à lui venir

 

Tout cil qui venir il vorroient

 

Et povre et riche s'il vouloient,

 

Et on le fist tout ensement.

 

Plenté de monnoie et de gent

 

Erent assamblé entour lui.

 

Je méismes aussi i fui

 

Qui puis bien dire sans doutance

 

K'ains plus bele reconnaissance

 

Ne pot avoir nus bom mortés

 

Que il ot, Diex en soit loés!

 

 

 

Je vous pri que pour lui priiez

 

Que Diex li pardoinst ses pechiez

 

Si vraiement qu'il pardonna

 

Sa mort le jour que l'assena

 

Longis de la lance au costé

 

Quant par lui fumes racheté.

 

Et tuit cil soient bénéoit,

 

Qui diront: amen, Diex l'oiroit!

 

 

 

De Brabant tint la seignorie

 

Cil dus; or doinst Diex bonne vie

 

Céaus et celes qui de lui sont

 

Venu et qui mais en venront;

 

Et gart le bon comte Guion

 

De Flandres qui...

 

Car en lui maint par vérité

 

Fais et honneur et charité.

 

Et certes se a lui...

 

De la bonté plus parleroie

 

De lui et de ses bons enfans

 

En cui loiautés est manans.

 

A tant m'en vueil ore paser;

 

Li bons se sara bien monstrer.

[p. 354]

 

Lui et les siens Diex garder vueille

 

Et tous à s'amour les acueille,

 

Et puist le duc Jehan garder

 

De Brabant, en honneur monter

 

Le vueille, et li doinst chose faire

 

Qui lui et au siecle puist plaire.

 

Lui et monseignor Godefroid.

 

Mainte fois m'ont gardé dou froit.

 

Gil dont je faz çi mansion.

 

Diex leur en rende guerredon;

 

Car n'ai pooir dou desservir.

 

Diex le vueille à tous ceux merir

 

Qui m'ont fait et donné douleur.

 

Bénéoit soient mi bienfeteur!

 

Diex gart chascun lui et les siens

 

Et leur mire trestous les biens

 

Que il ont moi et autrui fais,

 

Et leur pardoinst tous leur meffais,

 

Et nous doinst por un douz plesir

 

K'a bone fin puisons venir:

 

Et Diex le nous otroit ainsi!

 

C'est la fins de ce livre ici.