Den lust-hof der Christelycke leeringhe

[fol. **3v]

Ingenvae piaeqve Ivventvti civitatis Mechliniensis.

PArua puellarum, puerumq́ue examina, quotquot

Mechlinia, eximij gemma nitoris, alit,

Christiadum populi surgentia semina, Christi

Delitiae, vobis haec mea scripta dico.

Vos mea cura, mei pia pubes gaudia cordis

Haec legite, hos imo condite corde sonos.

Discite iucundo Catechistica dogmata cantu:

Adferet hic vnus commoda bina labor.

Namque aures grata vocum dulcedine pascet:

Pandet, & ad superum regna salutis iter.

Ast procul hinc lasciua Venus, procul esto libido

Corde, oculis, palmis, auribus, ore, domo.

Ite Cupidineis permixta volumina flammis

Injicite extructo turba juuenta rogo.

Nec canire obscoenos resonantia Cypridis aestus

Cantica, sub dulci tecta venena fauo.

Pura decent pueros, pura cantate pudicos

Voce sonos, qui nil improbitatis habent.

Delibate meo crescentia lilia in horto,

Et violas, & quas continet ille rosas.

Hîc fidei, compusque spei se floridus effert,

Hic diui castus spirat amoris odor.

Qua Christum, Christiq́ue colas ratione Parentem,

Qua reliquos superos edocet iste liber.

Quod natura iubet, Deus, aut Ecclesia mater;

Quid fas, quidve ne fac hic Paradisvs habet.

Sacramenta sacro de fonte fluentia Christi

Rore salutari florida prata rigant.

Virtutum vario topiaria flore corusca,

Pneumatis inspirat lenior aura sacri.

[fol. **4r]

 

Huc condensatis pueri properate cateruis,

 

Hortulus hic vobis semper apertus erit:

 

Carpite odoratos, & quos lubet vndique flores

 

Hic calathos, vestros hisce referte sinus.

 

Compta alibi quamuis meliori syrmate surgant,

 

Fortè sua plus haec vtilitate juuant.