Logo DBNL
Corpus van Middelnederlandse teksten. Reeks II. Literaire handschriften. II-6. Sinte Lutgart, Sinte Kerstine, Nederrijns moraalboek (1987)

Corpus van Middelnederlandse teksten. Reeks II. Literaire handschriften. II-6. Sinte Lutgart, Sinte Kerstine, Nederrijns moraalboek

(1987)–Maurits Gysseling, W. Pijnenburg–rechtenstatus Auteursrechtelijk beschermd

Vorige Volgende

[7] Wie dat jnnocentius de paus har oppenbarde doen hi doed was tehant

35
De paus jnnocencius hied
 
dieqj) derdde, hi starf ende verscied
 
na dien tijt dat was begaen
 
+ de consilie the lateraen
 
ende also saen als hi was doet
40
quam hi toet hare jn groter noet
 
ende oppenbarde haer sienleke daer
 
ende al sijn comen sach oppenbaer
 
+ met eenre groter vlammen omvaen
 
so vreghese wie hi were alsaen.
 
Doen andwerdde hi ende sprac alsus
5
Jc ben de paus jnnocencius
 
Doen suchtese sere ende sprac hem toe...
 
+ Wad eest mijn geestelec vader ende hoe
 
steed sus met v dat ghi moetd liden
 
dees grote pine nv the tiden
10
ghi di ons gestlec vader waert
 
Doen andwerd hi haer weder tervaert.
 
++ Drie saken sijn sprac de paus de here
 
daer om ic werdde gepijnt sus sere
 
om die drie saken had ic waerlike //
15
+ gheweest verloren euwelike
 
en had ghedaen de gods gheminde
 
+ moder die mi jn mijn jnde
 
aen haer kint halp dat ic van
 
minen sunden rouwe ghewan
20
want ic haer een cloester maecte
 
so stont si mi bi de wel geraecte
 
+ maght maria jn mienre noet
 
dat ic ontginc der euweger doet
 
nochtan so salic liden moten
25
alte grote pine toten
 
lesten daghe dat god sal
 
+ ordel gheuen ouer al
 
de liede di noyt lijf gewonnen.
 
Dat mi god oec nv woud onnen
30
dat ic hier mocht comen toet v
 
om help te biddene van vqk) nv
 
+ dat verwarf mi aen haren sone
 
de lieflec maght di proper di scone
 
di moeder der ontfarmechheit.
35
Als de pauwes dit had gheseit
 
so veruoer hi daer na teruaert.
 
+ Doen vercundeghde de werde lutgaert //
 
+ den nonnen daer binnen sinen noet
 
die nyet cleine en was maer groet
40
ende bat dat si hem stunden in staden
 
ende getruwelec uoer hem baden.
 
+ Si selue doghde oec met hem sere
 
ende bat uoer hem onsen here
 
met herten alte ghetruweleke
 
ende quelde haer seluen iammerleke.
 
Die drie saken daer om dat hi
 
+ soud hebben gheweest verdumt seid si
5
lutgaert den genen di har leuen
 
jn latine had bescreuen
 
maer hien woude di drie saken
 
nyet voert scriuen noch cont maken
 
+ om reuerencie dies paus dies heren
10
dien men met recht moet werdegen ende eren.

Vorige Volgende