Didibri-torie

[p. 18]

Twaalf eieren

Met Oud-jaar moeten alle mensen verantwoording afleggen voor alles, wat ze in het hele jaar hebben uitgevoerd. Daarom liet God de duivel roepen om zich te verantwoorden voor alles, wat hij met de mensen had gedaan in het jaar, dat juist voorbij was.

‘Satan, wat heb je met Mijn mensen gedaan in het afgelopen jaar?’ zo vroeg God aan de Satan.

Satan antwoordde; ‘Heer, ik heb ze aardig te pakken gehad!’

Toen was God bedroefd. Hij zeide: ‘Satan ik ga je de helft van je macht uit handen nemen!’

De duivel antwoordde: ‘nee-nee, Heer, hoe kunt U dat doen? Gij hebt aan de mensen zoveel wapens gegeven tegen mij. Als ze die gebruiken, sta ik machteloos. Kan ik het helpen, als ze hun wapens opzij gooien? Zo laten ze de weg voor me open. Heer, u weet toch van de vrouw en de kip met de twaalf eieren? Gij hebt haar gezegd: gij geeft haar twaalf eieren, zij moet die warm houden tot ze uitkomen, als een moeder-kip. Die twaalf kuikens zullen haar redden uit alle gebrek. En, Heer, wat heeft de vrouw gedaan? De ene dag gaf ze hun warmte, de andere dag liet zij ze in de koude.

Toen ik zag, dat de eieren bedierven, begon ik ze een voor een weg te nemen, want, wat niet verwarmd was, was voor mij. Heer, Gij-zelf ziet, dat Gij aan alle mensen twaalf eieren hebt gegeven om dit jaar kuikens uit te broeden. Gij weet ook, hoeveel er bedorven en Gij weet, alle bedorven eieren zijn voor mij.

Heer, het is niet nodig om mijn macht te breken, omdat ik alleen de bedorven eieren neem, die geen warmte kregen.’

Zo moeten we weten, dat we geen gekheid moeten maken met de eieren; maar laten wij ze goed warmte geven, omdat alle niet verwarmde voor de duivel zijn. Laat hem niet zeggen: ‘ik heb ze aardig te pakken gehad!’ Als je met de duivel wil eten, moet je een lange vork hebben.

[p. 19]

Twarfoe eksi

Owroe-jari ala s'ma moe gi frantwortoe foe ala den wroko foe den, foe na eri jari. Na so meki Gado seni kari didibri foe kon gi frantwortoe, foe san a doe nanga libi-s'ma, na jari di pasa de.

‘Satan, san joe doe nanga den s'ma foe Mi, na jari, di pasa de?’ na so Gado aksi Satan.

Satan piki taki: ‘Masra, mi pré nanga den, a no spotoe!’

Dan Gado sari. A taki: ‘joe Satan, mi de go poeroe afoe foe joe makti na joe anoe!’

Didibri piki taki: ‘no-no, Masra, fa Joe kan doe dati? Joe gi libi-s'ma someni sani foe feti nanga mi. Efoe den wroko nanga den, mi no de feni nowan! Mi no kan jepi, efoe den de trowe den feti-sani foe den na wan sé, libi pasi opo gi mi. Masra, joe sabi na tori foe na oema nanga na oema-fowroe nanga den twarfoe eksi? Joe ben taigi en taki: Joe de gi en twarfoe eksi, a moe ori den waran, te den broko, leki wan mama-fowroe. Den twarfoe pikin fowroe dati sa poeroe en na ini ala pina. Masra, san na oema ben doe? Wan dé a de gi den waran, wan de a de libi den na kowroe.

Di mi si, taki den eksi de pori, dan mi bigin teki den, wan froe wan, bikasi, san no de kisi waran, na foe mi. Masra, Joesrefi si, na jari disi, ala s'ma Joe gi twarfoe eksi foe den broko pikin gi Joe. Joe sabi toe, omeni den pori foe soso, Joe sabi, ala pori-wan na foe mi, Masra, Joe no abi foe broko mi makti, bika na soso pori-wan, di no de kisi waran, mi de teki.

So oen moe sabi, no meki law-law-sani nanga den eksi, ma meki oenoe gi den boen waran, bikasi ala, di no kisi waran, na foe didibri. Mek' a no kan taki: mi pré nanga den, a no spotoe.

Te joe wani njan nanga didibri, i moe abi langa forkoe.