Briefwisseling van Hugo Grotius. Deel 11

[p. 637]

4946. 1640 november 26. Van Willem de Groot¹.

Frater optime,

Spero brevi te accepturum folia, quae a Blavio² Rothomagum missa sunt, et ut nomen nautae Treselio³ indicare possis, scias eum vocari Cornelium Johannis, cui ea folia sunt concredita, qui et ante aliquot septimanas Amstelodamo discessit⁴. Audeo etiam sperare posteriora alphabeti prioris et priora secundi correctiora prioribus fore et, siquid fieri potest, etiam diligentiae et stricto errorum examini aliquid accessurum cum Utenbogardi⁵ litteris meisque ad Blavium, Vossium, Corvinum monitis⁶. De Frontone nihil aliud intelligo quam esse eum, quem dixi Molinaeum⁷, nam id Elzevirii⁸ aliique palam prae se ferunt. Dominus Utenbogardus - cui tuas tradam litteras⁹ -queritur non bona fide impingi remonstrantibus illas sententias, quas ille operose sane pro tantillo opere et invidiose nimis coacervavit.

Prodiit et hac septimana Petri Molinaei Vates¹⁰ ante aliquot annos scriptus et hac occasione jam Lugduni Mairio impressus, quem librum ad te mitterem, nisi editio sesqui alphabetum paginarum in octavo exhauriret. Ei auctor nomen suum proposuit, qui inibi tractat omnia fere loca a te in commentatione¹¹ examinata, ut 2 Thessalon. 2 et nominatim illud: qui nunc obtinet obtineat, donec de medio tollatur; item Apocal. c. 12 et 17 et alia multa, quae mihi legere nondum vacavit. Meretur tamen legi liber, cum et multa Veteris Testamenti vaticinia comprehendat et, quicquid ad materiam prophetiae spectat, diligenter sane pertractet. Sed vereor, ut Parisiis etiamnum prostet.

Filio Petro¹² suasi, ut tuum sequatur consilium seque Amstelodamum conferat, sed ille incertam spem, certas esse impensas causatur neque satis honorificum sibi fore putat neque satis lucrosum secundum advocationis Indicanae locum qua in re et Reigersbergium¹³ sibi habet adstipulatorem. Uxoris tuae litteris¹⁴ alias respondebo; nunc manum de tabula tollere cogor. Vale.

Tibi obsequentissimus frater
Guilielmus Grotius.

1 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 24. Eigenh. oorspr. Antw. op no. 4931; beantw. d. no. 4959.

2 Dr. Johan of Cornelis Blaeu, drukker-uitgever te Amsterdam. Het betreft de drukproeven van Grotius Annotationes in libros Evangeliorvm... Amsterdami, Apud Ioh. & Cornelivm Blaev. MDCXXXXI; Ter Meulen-Diermanse no. 1135.

3 Daniël Tresel, koopman te Rouaan.

4 Zie no. 4924 dd. 12 november. In het hs. staat abusievelijk ‘discescit’.

5 Johannes Wtenbogaert.

6 Vgl. no. 4924. Willems brieven aan Blaeu, aan Gerardus Johannes Vossius en aan Johannes Arnoldi Corvinus heb ik niet kunnen terugvinden.

7 Pierre Du Moulin schreef onder het pseudoniem Hippolytus Fronto Caracotta Strigil adversvs commentationem Authoris Anonymi ad loca quaedam quae de Antichristo agunt, aut agere putantur, Amstelodami Apud Ioannem Ianssonivm M.D.C.XXXX. Zie Ter Meulen-Diermanse no. 1100 rem. 5.

8 Lodewijk Elzevier in Amsterdam of Abraham en Bonaventura Elzevier in Leiden.

9 Ontbreekt.

10 Petri Molinæi Vates, Seu De Præcognitione futurorum, & Bonis Malisque Prophetis, Libri V. In quibus etiam explicantur difficiliores nannullæ Veteris & Novi Testamenti prophetiæ. Lugduni Batavorum, Ex Officina Ioannis Maire. MDCXL.

11 Grotius' Commentatio... de Antichristo...; Ter Meulen-Diermanse no. 1100.

12 Pieter de Groot; hij wilde solliciteren naar het ambt van pensionaris van 's-Hertogenbosch.

13 Nicolaes van Reigersberch.

14 Deze brief van Maria van Reigersberch en Wiilems antwoord erop ontbreken.

Hagae, XXVI. Novembris 1640.

[p. 638]

Adres: A monsieur monsieur Grotius, ambassadeur de la reine et couronne de Suède prez le roy trèschrestien. A Paris.

Boven aan de brief schreef Grotius: Rec. 6 Dc.

En in dorso: 26 Nov. 1640. W. de Groot.