Briefwisseling van Hugo Grotius. Deel 11

4908. 1640 november 3. Aan I. Jasky¹.

Nobilissime domine,

Observantiam nullam Nobilitas vestra mihi debet². Pro amore, quem non merui nisi amando, gratias ago. Literas autem ipsius sicut, ubi otium ejus³ sinit, accipio libenter, ita, ubi negotia impediunt non exigo.

Civitatem vestram tranquillo satis esse statu gaudeo optoque diu ei contingat Lucretianum illud:

Suave etiam belli certamina saeva tueri
Excelsa de turre, tua sine parte pericli⁴.

Nos in mediis adhuc bellorum undis versamur, sed ita, ut portum videamur prospicere eminus. Nam principes Germaniae, qui nunc Ratisbonam coiere, vehementer pacem expetunt aut cum Suedia Galliaque aut certe cum Suedia. Hispania autem, quae suis opibus bellum Germanicum alit, non leve vulnus accepit motu Catalanorum, qui LX⁵ suorum millia in armis habere dicuntur, tantumque negotii regi Hispaniae facessere, ut tribus adversus eos exercitibus opus habeat. Id malum forte alios etiam populos sui contagio tracturum forte⁶ regem illum eo rediget, ut pacem non iniquam ferre possit. Pacem non iniquam voco eam, quae Europam in libramento teneat simulque Germaniam reponat in statum, si non optimum, certe immunem ultimae servitutis.

In Italia pleraque eruditorum collegia pro civitate Lucensi contra interdictum papale⁷ responderunt.

Poesis hic floret et vult cardinalis Riceliacus in sua urbe scientias artesque omnes Gallico doceri sermone⁸, ut fines eloquentiae non minus quam imperii proferat.

Vale, nobilissime domine.

Nobilitatis vestrae⁹ studiosissimus
H. Grotius.

1 Hs. Gotha, Stadtarch., cod. A473, f.^o 33. Eigenh. oorspr. Gedrukt Epist., p. 652; Grotii Epist. ad Jaski, p. 77. Afwijkende lezingen in de Grotii Epist. ad Jaski zijn terug te voeren op simplificatie van de kant van de uitgever van deze editie. Antw. op no. 4863; beantw. d. no. 4968. Israël Köhne, genaamd von Jasky, was een invloedrijk man in zijn geboortestad Danzig.

2 De uitgave Grotii Epist. ad Jaski geeft slechts ‘mihi debes’.

3 De uitgave Grotii Epist. ad Jaski geeft in plaats van ‘ipsius’: tuas, en in plaats van ‘ejus’: tuum.

4 Lucretius, II, 5-6. Het ‘tueri’ van vs. 6 in het citaat in de uitgave der Epist. is kennelijk een verschrijving of een zetfout.

5 De uitgave der Epist. heeft abusievelijk ‘LXX’.

6 Ontbreekt in Grotii Epist. ad Jaski.

7 Betreffende de geschriften, verschenen in verband met de kwesties tussen Lucca en de paus, zie men Pastor, Gesch. Päpste XIII 2 (1929), p. 713 n. 1 en A. Mancini, Storia di Lucca, p. 259v.

8 Zie ook no. 4875, n. 11.

9 De uitgave Grotii Epist. ad Jaski geeft: tuae.

3 Novembris MDCXL.