Briefwisseling van Hugo Grotius. Deel 11

4598. 1640 april 14. Aan Christina van Zweden¹.

Serenissima ac potentissima regina, domina clementissima,

Egi regi gratias, quod in causa principis electoris² grata habuerit augustae Majestatis tuae desideria. Praeterea et ipsi et reginae³ significavi gratissimum fore Majestati tuae nuntium de spe nobis divinitus data prolis alterius⁴ cum votis felicis partus Galliae atque ejus federatorum bono.

Commendavi etiam regi curam pro implenda ultima voluntate ducis Bernhardi⁵, cujus rei causa nobilem quemdam⁶ huc misit dux Wilhelmus⁷, familiae istius caput. Tenui me intra verba generalia. Nam cum defunctus dux executionem testamenti sui non minus Majestati tuae quam regi christianissimo mandaverit et ipse dux Wilhelmus, ut intelligo, ea de re Majestati tuae scripserit, mandata specialia Majestatis tuae opperiar et ea exsequar ea fide, quam Majestati tuae debeo.

Et rex autem et regina recte valent seque Majestatis tuae esse quam studiosissimos significari voluere.

Deus, serenissima ac potentissima regina, domina clementissima, faveat semper augustae Majestati tuae.

Augustae Majestatis tuae obedientissimus subditus
H. Grotius.

1 Gedrukt Epist., p. 611.

2 Karl Ludwig van de Palts.

3 Anna van Oostenrijk, koningin van Frankrijk.

4 Philippe, hertog van Anjou, later hertog van Orléans; hij werd geboren op 21 september 1640.

5 Bernhard, hertog van Saksen-Weimar († 18 juli 1639).

6 Heinrich Philipp aant. von Krossig; vgl. no. 4578.

7 Wilhelm, hertog van Saksen-Weimar.

Lutetiae, 4/14 Aprilis 1640.

Venit me resalutatum princeps elector, qui se quantum potest favori ac benevolentiae Majestatis tuae commendat.