Briefwisseling van Hugo Grotius. Deel 11

4553. 1640 maart 10. Aan A. Oxenstierna¹.

Excellentissime atque illustrissime domine,

De principis electoris² negotio, praeter quae scripsi antehac³, nihil quod dicam habeo. Clam agitur aliquid; quod an successurum sit, equidem nescio. Nam et nobilis⁴ missus hinc ad regem Angliae est inscio comite Licestrio⁵ et Windebanckius⁶ a cardinali perquam magnifice dimissus est. Sed saepe fallunt signa ejusmodi: quare a tempore lux exspectanda.

Urget regem pontifex ad constituendas per Italiam indutias in annos octo. Itali rem aut factam aut proximam effectui putant.

Venetis a novo cahimachano⁷ novae moventur controversiae; sed quae novis etiam, ut arbitror, pecuniis redimentur. Maritimus autem Turcarum paratus videtur hoc anno non tam magnus fore quam putabatur. Itaque remisit nonnihil Melitensium, Siculorum et Italorum metus crediturque, si quid inde movetur, id ad Euxinum mare potius appariturum.

Principis Casimiri⁸ captivitas multis honoribus pensatur. Heri apud regem pransus est capite tecto. Volenti per Italiam ire id permissum non est, ne iterum Hispanico afflatu corrumpatur; ibit ergo per Batavos. Nunc hospitium habet apud cardinalem.

Bavarici Norimbergae ostendunt multum se boni a Gallia sperare, si pax fiat. Praecipue, ut electoralis dignitas et Palatinatus superior maneant penes possessorem. Infelix ea quoque in parte est palatinus, quod clausus nec agere quicquam, nec mandata dare potest, cum Norimbergae de ipsius re vel maxime agatur.

Splendidior quam ulla unquam futura est Veladae Hispani⁹ in Angliam legatio.

1 Gedrukt Epist., p. 604; Oxenst. Skrifter 2. afd. IV, p. 19.

2 Karl Ludwig van de Palts; hij was medio oktober 1639 nabij Moulins gearresteerd.

3 No. 4541.

4 Niet geïdentificeerd.

5 Robert Sidney, graaf van Leicester, extraordinarius Engels gezant in Parijs.

6 Thomas Windebank. zoon van de Engelse staatssecretaris sir Francis Windebank.

7 Housseïn Pasja.

8 Jan II Kazimierz.

9 Antonio Sancho Dávila y Toledo, markies van Velada, extraordinarius Spaans ambassadeur in Engeland.

[p. 133]

Interea Angli veteres et velut sepultas controversias cum Batavis refodiunt. Parlamentum tandem evocatum est et Scotorum legati¹⁰ in aula sunt; quae quorsum sint eruptura, avide exspectant vicini omnes.

Glenius¹¹ scribitur sui militis equites quingentos, pedites mille et sexcentos reliquisse cum caesarianis ad recuperanda quae Konigsmarckius¹² in Thuringia ceperat; caeteros misisse in Wirtembergicum agrum.

Longavillanus¹³ non optime valet. Creutznaco abducere machinas per glaciem vetitus est. Exspectat in supplementum octo e Gallia cohortes.

Vinarienses ita bonis in rebus sunt, ita late arma propagant, ut magna ad eos facta sit accessio IV mille equitum, ut dicitur.

Dux Carolus Lotharingus¹⁴ ad Mosam vadit habiturus ter mille equites. Serio id laborat, ut rescindatur matrimonium, quod habuit hactenus; cui se opponit ea, quae hic est ipsius, ut omnes censent, uxor¹⁵, ut ipse loquitur, cognata carissima. Pontifex aequo sane decreto prius abstinere eum vult ab ea, quam nondum rescisso priore conjugio pro uxore¹⁶ habet; deinde monet eum, ne quid in re tanta moliatur temere. Si pertendat, daturum se judices in vicinis ipsi locis citata et audita ea, cujus potissimum res agitur. Idem dux circa Metim et Virodunos legit militem recepitque dono cardinalis Hispani Sanciam, quam Piccolominius¹⁷ eripuerat Gallis. Norimbergae qui convenerunt et Luneburgicum¹⁸ et Hassicam viduam¹⁹ orant, ad se ut mittant jungantque consilia.

Rex Angliae dicitur habiturus Aprili mense octo millia equitum, viginti et amplius peditum. Hic vero quae cum ducibus copiarum acta erant ad ducendum in Italiam militem revocata sunt omnia certa spe indutiarum, de quibus dixi.

Oquendo²⁰ Dunquerca Hispaniam petens XIV naves a S. Malo venientes cepit et alias indidem Dunquercani.

Legatus Polonicus²¹ cardinalem donavit crucifixo et candelabris e succino et pellium synthesi.

Dicuntur Hispani se a finibus Picardiae retro tulisse captis tamen Avino, S. Martini oppidulo et castello ad Hesdinum. Regis copias sub finem Aprilis processuras aiunt nec ante movebunt se, ut puto, Batavi, quibus incommode accidit, quod tam magnos dilectus in Juliacensi agro Lamboius²² facit neque minus eorum rebus nocebit, si, quod nonnulli putant, Galli autem maxime nolint, inter antistitem Coloniensem²³ et Leodios dissidium componitur. Illud autem non affirmaverim, quod tamen rumor hic fert, Brandenburgicos, qui Norembergae sunt²⁴, pacem communem tam flagranter expetere, ut, nisi ea fiat, ipsi se sibi privatim consulturos dicant.

10 Charles Seaton, graaf van Dunfermline; John Campbell, baron Loudoun; William Douglas, drost van Teviotdale; Robert Barclay; vgl. Cal. Stat. Pap. Ven. 1640-1642, p. 15 n.

11 Gottfried Huyn, graaf van Geleen, keizerlijk bevelhebber.

12 Hans Christoph, graaf van Königsmark, generaal in Zweedse dienst.

13 Henri d'Orléans, hertog van Longueville.

14 Karel IV, hertog van Lotharingen.

15 Nicole, hertogin van Lotharingen; zie ook no. 4550. n. 20.

16 Beatrix de Cusance, prinses van Cantecroix (1614-1663).

17 Ottavio Piccolomini, hertog van Amalfi.

18 Georg, hertog van Braunschweig-Lüneburg.

19 Amalie Elisabeth van Hanau-Münzenberg, landgravin-regentes van Hessen-Kassel.

20 Antonio de Oquendo.

21 Christophe Corvinus Gasziewski.

22 Wilhelm, baron van Lamboy (1600-1656), generaal in keizerlijke dienst.

23 Ferdinand van Beieren, keurvorst-aartsbisschop van Keulen.

24 Namens Georg Wilhelm, keurvorst van Brandenburg, waren aanwezig Johann Friedrich von Löben, Peter Fritze en Caspar Taschenberger.

[p. 134]

Deus haec cuncta et, quae nunc in Suedia tractantur, consilia gubernet, Excellentissime et illustrissime domine, et Sublimitati tuae semper faveat.

Tuae Sublimitatis cultor devotissimus
H. Grotius.

Lutetiae, 10 Martii anni 1640.

Adres: Axelio Oxenstiernae, sacrae reg. Maj. regnorumque Sueciae senatori et cancellario.