Briefwisseling van Hugo Grotius. Deel 11

4509. 1640 februari 11. Aan A. Oxenstierna¹.

Excellentissime atque illustrissime domine,

Quae spes nobis fuerit de libertate electoris Palatini², quae deinde exstiterint difficultates, scripsi antehac³. In eo statu dum res est, accipio epistolam reginae dominae nostrae clementissimae ad regem scriptam 19 Decembris⁴ cum mandatis ad me, quae exsequar, simul aditum ad regem, quem petam, impetravero.

Rex arthriticus est, regina autem praegnantium more languet. Itaque decumbentes ambos salutavit Poloniae legatus⁵, quem ubi videro - id autem cis paucos dies futurum est - cognoscam, quid sit de negotio Casimiri principis⁶.

Vinarienses ita longe in Germaniam penetrarunt nullis captis locis, per quae certi sint de receptu, ut res periculo non careat. Vellent ab Hassicis adjuvari, verum id difficile

1 Gedrukt Epist., p. 597; Oxenst. Skrifter 2. afd. IV, p. 10. Tezamen met no. 4541 antw. op no. 4444 (dl. X).

2 Karl Ludwig van de Palts.

3 No. 4493.

4 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 5: brief dd. 19 december oude stijl 1639.

5 Christophe Corvinus Gasziewski.

6 Jan II Kazimierz.

[p. 74]

impetratu est, quamdiu Hassicum cum Gallia negotium infectum pendet; quam ob causam Wolfii⁷ e Suedia reditus multum exspectatur.

Konigsmarckius⁸ scribitur Glenii⁹ adventu e Wetteravia in Misniam concessisse; captae autem a Vinariensibus arces Fridberga et Braunsfeldum, oppida vero Gellinghausa, Budinga, Orba, tum vero mitti ab imperatore Norimbergam Haubitzius¹⁰, Grana¹¹ Pragam, a Tiroli Viennam Wolckestenius¹². Dillenberga et Marpurgum an obtinuerint, ut mediorum loco sint in hoc bello, nondum certo cognovimus. Ad Visurgum scribi militem pro Suedia audimus.

Princeps Condaeus¹³ hic exspectatur. Cancellarius autem Franciae¹⁴ in inferiora Normanniae, deinde in Britanniam Armoricam it inquisiturus in eos, qui seditiones aluisse dicuntur.

Jam nunc locutus sum cum comite Licestrio¹⁵. Probat, quod chartas illas a D. Chavigniaco¹⁶ ad me missas in Suediam miserim. Regem suum pro electore fidem suam interpositurum negat; putat Gallos fide ipsius electoris contentos esse debere, praeterea praefiniendum aliquod spatium temporis, quo elapso plenam consequatur libertatem. Proposui ei, ut rex Magnae Britanniae electori det, unde alium exercitum sibi comparare possit et cum Hassico conjungere obligato prius electore nihil pacisci cum quoquam nisi de consensu Suediae Galliaeque. Id et ipsi placebat, si modo et elector certus esse posset illa regna pacem sine ipso non factura.

Bellevrius¹⁷ ex Anglicana legatione revocatus huc venit. Dimissus est in Anglia cum omni honore testimoniisque amicitiae. Fama tamen hunc legati reditum in animi alienati signum rapit.

Inter arcem urbemque Taurinorum indutiae quaedam sunt et de pace agitur. Miles nihilominus hinc in Italiam mittitur eique rei destinata sunt viginti millia coronatorum.

Creduntur Hispani Galliam invadere velle ea parte, ubi Baiona est, et in id militem exspectare e Flandria.

Chavigniacus his diebus apud principem Palatinum quid egerit, ignoramus miramurque ducum Vinariensium¹⁸ legatos¹⁹ ab Erlachio²⁰ et Relingero²¹ impetrare nequisse corpus defuncti ac supellectilem et gemmas.

Legatus Polonicus dicitur nulla habere mandata a pleno Poloniae conventu.

Magni sunt in Anglia armorum paratus, quo videntur minari Scotis, quorum legati²² a rege Magnae Britanniae nihil impetrarunt de postulatis ad repensationem factorum a se sumptuum.

Scribitur Rosa²³ esse Wisbadam; Aschaffenburgum obsideri ab Ohmio²⁴; Longavil-

7 Hermann Wolff.

8 Hans Christoph, graaf van Königsmark, Zweeds bevelhebber.

9 Gottfried Huyn, graaf van Geleen, keizerlijk bevelhebber.

10 De keizerlijke hofraad Tobias von Haugwitz.

11 Francisco del Carretto, markies van Savona y Grana.

12 Georg Ulrich, graaf van Wolkenstein, opperkamerheer van aartshertogin Claudia.

13 Henri de Bourbon, prins van Condé.

14 Pierre Séguier.

15 Robert Sidney, graaf van Leicester, extraordinarius Engels gezant in Parijs.

16 Léon le Bouthillier, graaf van Chavigny, Frans staatssecretaris van buitenlandse zaken.

17 Pomponne de Bellièvre.

18 Wilhelm, Albrecht en Ernst van Saksen-Weimar.

19 O.a. Heinrich Philipp aant. von Krossig.

20 Johan Ludwig von Erlach, een van de directeuren van het leger van Bernhard van Saksen-Weimar († 18 juli 1639).

21 Johann Ulrich Rehlinger, kanselier in het leger van wijlen Bernhard van Saksen-Weimar.

22 Charles Seaton, graaf van Dunfermline; John Campbell, baron Loudoun; William Douglas, drost van Teviotdale; Patrick Hepburn, baron Wauchton.

23 Rheinhold von Rosen.

24 Johann Bernhard von Oehm.

[p. 75]

lanum²⁵ non abfore a periculo, si in eum undique hostiles copiae coeant.

Deum precor, Excellentissime et illustrissime domine, ut prosperam det Sublimitati tuae valetudinem consiliaque publica in hoc maxime regni conventu dirigat ac bene fortunet.

Sublimitatis tuae cultor devotissimus
H. Grotius.

25 Henri d'Orléans, hertog van Longueville.

Lutetiae, 1/11 Februarii 1640.

Adres: Axelio Oxenstiernae, sacrae reg. Maj. regnorumque Sueciae senatori et cancellario.