Briefwisseling van Hugo Grotius. Deel 11

[p. 60]

4499. 1640 februari 2. Aan G.J. Vossius¹.

Vir mihi πρῶτε τῶν πρῶτων,

Laetor non displicere tibi consilium nostrum de edendis, quae parata habemus². Scis, quid posteritati debeamus et quanta sit saepe post mortem, quam exspectare semper debemus, haeredum negligentia. Rogo igitur te, quem semper amicorum optimum reperi, ut in hac re me adjutes et, si Blavius³ moras interjiciat, etiam eorum, qui in magistratibus sunt nobisque favent, auctoritate utaris. Mire enim gestio hoc velut voto liberari.

Nostra de Iure Belli ac Pacis⁴ cum uberrimis annotatis accessionis vice non patiar edi, nisi praecesserit editio quorundam libellorum, quibus bono consilio nomen meum subduxi, deinde et Annotatorum in Novum Fedus⁵. Ad quae praelo subjicienda ubi ventum fuerit, velim ea abs te legi et mihi scribi, si quid putes παραϰεϰινδυνουμένον aut alia quavis ex causa mutandum, ut tua sententia visa meam illico perscribam.

Tuum de Idololatria⁶ opus video plura complecti quam putaram. Eo avidius exspecto, ut prodeat, non dubitans, quin ut ex tuis soleo, etiam inde aliquid, imo si alia negotia non obstent, plurimum possim proficere. De secundo praecepto egregia sunt quae annotas⁷. Tamen Iosephus⁸ et LXX me movent, ut putem fuisse qui utrunque crederent interdici et γλυπτά facere ulla et picturas qualescunque animantium, sub quo nomine etiam sidera comprehendo. Ea de re si quid habes aut etiam Manasses⁹, praeter ea, quae in vulgus edidit, cupiam scire cum primo vestro commodo.

Manassi ex animo opto, omnia bene procedant, doleoque eum rebus suis urgentibus tam longe a nobis abigi; consului eum aliquoties nunquam sine meo fructu. Pro his beneficiis si vicem possem rependere, facerem id perlibenter. Ego vero homines Amstelodamensis synagogae putaram esse et divites et liberales. Nunc in hoc me video falli. In altero an verum dicant, an pauperiores quam sint credi velint ad vitandas capitationes, nonnihil dubito.

Annum et hunc et sequentes multos lectissimae conjugi tuae¹⁰ eruditissimisque filiis felicem precor.

Vester ut esse debeo
H. Grotius.

1 Copie Rotterdam, Gem. Bibl., coll. Rem. Kerk, cat. v. hss. no. 674. Gedrukt Epist., p. 596. Antw. op no. 4464.

2 Zie no. 4464.

3 De Amsterdamse drukker-uitgever dr. Johan Blaeu.

4 Zie no. 4464; zie voor de volledige titel no. 4453, n. 8.

5 Hvgonis Grotii Annotationes in libros Evangeliorvm. Cum tribus tractatibus & Appendice eo spectantibus. Amsterdami, Apud Ioh. & Cornelivm Blaev. MDCXXXXI; Ter Meulen-Diermanse no. 1135. Hvgonis Grotii Annotationvm in Novvm Testamentvm, tomvs secvndvs. Parisiis, Sumptibus Authoris, Et prostant exemplaria Apud Viduam Gvlielmi Pelé. viâ Iacobæâ sub signo Crucis Aureæ. MDCXLVI; Ter Meulen-Diermanse no. 1138. Hvgonis Grotii Annotationvm in Novvm Testamentvm pars tertia ac vltima. Cui subiuncti sunt eiusdem auctoris libri pro veritate religionis Christianæ, ita digesti vt annotata svis quæque Paragraphis sint subnexa. Parisiis, Typis Viduæ Theod. Pepingvé, & Steph. Mavcroy, viâ Citharæâ, è regione viæ Mathurinorum. MDCL; Ter Meulen-Diermanse no. 1141.

6 Gerardi Ioannis Vossii de Theologia Gentili, et Physiologia Christiana; sive de origine ac progressv Idololatriæ, ad veterum gesta, ac rerum naturam, reductæ; deque naturæ mirandis, quibus homo adducitur ad Deum, liber I et II. Liber III et IV. Amsterdami, Apud Ioh. et Cornelivm Blaev, MDCXXXXI.

7 Zie no. 4464.

8 O.a. Flavius Josephus Contra Ap. II, 191: πᾶσα μὲν γὰρ ὕλη πρὸς εἰϰόνα τὴν τούτου ϰἂν ᾖ πολυτελὴς ἄτιμος.

9 Menasseh ben Israël.

10 Elisabeth Junius.

Lutetiae¹¹, II Februarii MDCXL.

11 Ontbreekt in de copie.

[p. 61]

Illud forte non abs re addam ad quaestionem nuper propositam in siclis Hebraeorum nullas esse animantium effigies.