Briefwisseling van Hugo Grotius. Deel 10

4322. 1639 oktober 4. Van G. Rosenhane¹.

Excellentissime legate,

Recordor saepe, quod, cum Parisiis Excellentiae tuae valedicerem, ultro protestata est haut sibi fore ingratum, si quid de itineris mei successu nuntiaverim.

Sed hactenus semper veritus sum, ne fastidii aliquid afferrent literae, cum nihil aliud novi aut dignum habeant, quod Excellentia tua tot negotiis occupata legat.

Tandem nec ingratitudinis culpam evitari ratus sum, si inumeris favoribus ac singulari benignitati Excellentiae tuae aliquo officio non respondeo.

Igitur si quid agi Romae scivissem, quod Excellentiam tuam latet, quantum id ad meam notitiam venit, diligenter perscriberem.

Pauci dies sunt, quod seculare festum Iesuvitarum² celebrabatur idque triduo magna hominum frequentia in templo Farnesiano continuatum.

Primo die novendecim cardinales adfuere cum inter officium missae, quod vicegerens peregit, doctissima habita est oratio. Argumentum erat summa rerum gestarum ordinis et laudum et conatuum. Ego equidem obstupui. Supra portam ingentibus caracteribus talis inscriptio legebatur: tibi rex seculorum maxime minima societas iesu. seculum suum in illuminatione vultus tui grata reponit atque renovat.

Vespera huius diei ignes per totam urbem visi sunt atque etiam ante portas legatorum Galliae³ et Hispaniae⁴ etc. ipsi patres iesuvitae tecta et turrim sui templi lucernis ita oppleverunt, ut quis ignescere omnia diceret. Ceterum solemnitas festi Sancti Michaelis⁵ et coronationis papae⁶ solito facta; nisi quod sacellum in Monte Cabellino habitum infirmitate Sanctitatis suae non admittente, ut in Sancti Petri templo haberetur.

Postremo Excellentiae tuae obnixe supplicatum velim, ut favere mihi non desinet. Iam olim incomparabili doctrinae⁷ Excellentiae tuae, et rarissimis virtutibus tantum me obstrictum sentio, ut vita suppetente quodcumque facere potero,

1 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 17. Eigenh. oorspr. Beantw. d. no. 4379. Zie betreffende Gustaf Rosenhane het artikel van Bertil Sundborg: Gustaf Rosenhane och Trolldomsväsendet (Gustaf Rosenhane en de heksenprocessen) in Lychnos 1954-1955 Uppsala 1955, p. 201-266 met een résumé in het Frans, p. 265-266.

2 Op 27 september 1539 erkende paus Paulus III mondeling de orde der Jezuïeten. Een jaar later volgde de schriftelijke bevestiging door de pauselijke bul ‘Regimini militantis ecclesiae’. Zie de Gazette de France, dd. 5 november 1639 no. 155.

3 François Annibal d'Estrées, marquis de Coeuvres.

4 Juan Chumacero.

5 29 september.

6 Urbanus VIII.

7 Verschrijving voor ‘doctrina’, wellicht onder invloed van de volgende genitivi ‘Excellentiae tuae’.

[p. 645]

quo Excellentiae tuae inserviisse dicar, nihil me omissurum, quin sim, Excellentissime legate,

Excellentiae tuae obsequentissimus servitor
G. Rosenhane.

Romae die 4 octobris Anno 1639.

Boven aan de brief schreef Grotius: Rec. le 9 de Nov.