Briefwisseling van Hugo Grotius. Deel 10

4323. 1639 oktober 8. Aan J. Camerarius¹.

Vir nobilissime,

Literas Nobilitatis vestrae datas 26 Septembris² suo tempore recte accepi.

Quae hic habemus aut certa aut passim credita ad illustrissimum D. parentem³ simulque ad Nobilitatem vestram perscribo.

Laudanda est et Batavae classis fortitudo et in augenda ea principis⁴ procerumque diligentia. Haec illis inter se certandi honestissima materia. Exspectamus praelium navale ingens.

De Chemnitio urbe, de Pirna, de Silesia totiusque illius tractus rebus gaudebo multa cognoscere, nam hic multa finguntur partim a monachis eorumque clientibus nostri odio partim quae nostra in majus attollant, ut plebs iis inflata minus sentiat onera, sub quibus anhelat.

Petro Schmalchio⁵ opto bonam mentem et quantam concoquere possit fortunam. Maneo autem Nobilitati vestrae vestrisque omnibus.

Omni fide addictissimus
H. Grotius.

1 Gedrukt Epist., p. 568. Joachim Camerarius was raad van Christina, koningin van Zweden.

2 Ontbreekt.

3 Ludwig Camerarius, Zweeds gezant in Den Haag.

4 Frederik Hendrik.

5 Peter Abel Schmalz, secretaris ter Zweedse kanselarij.

Lutetiae, 8 Octobris ex novo Calendario anni 1639.