Briefwisseling van Hugo Grotius. Deel 10

4306. 1639 september 24. Aan Willem de Groot¹⁰.

Frater optime,

Cum typographo¹¹ ita egisti ut oportuit. Cave, ne quid a nobis accedat. Ubi prodierit, fac sciam.

Heinsiana¹² avide exspecto, praecipue cum ea a proceribus reipublicae tam magni, a literarum proceribus tam parvi fieri videam.

10 Gedrukt Epist., p. 886. Antw. op no. 4291; beantw. d. no. 4320.

11 De Leidse drukker Hieronymus de Vogel, die in 1639 Grotius' Poemata drukte; zie Ter Meulen-Diermanse, no. 2.

12 Danielis Heinsii Sacrarvm Exercitationvm ad Novvm Testamentvm Libri XX; zie no. 4291, p. 596 n. 1.

[p. 620]

Scriptum de Zenone¹ est inter sarcinas, quae ad uxorem venere. Tibi autem inscriptus erat is fasciculus. Interceptum a curiosis non spero. Meretur edi ille libellus, ut tunc monui.

Conatus in Hulstam non miror irritos hoc anni tempore et hoste in omnia intento nec latere possunt tanti strepitus molimina.

Patri² manum adhuc bonam bonaeque senectutis indicem vidi cum gaudio gratulorque et tibi et ipsi, quod una vivitis. Deus vobis matrique³ et uxori tuae⁴ ac liberis⁵ omnia det, quae a piis optari solent.

Videris jam quae ad filiae⁶ causam instruendam misi. Puto et de juris illa regula in forma testamenti locum unum spectari, ubi fassum est, satis constare et de ipsa consuetudine per ea, quae misi. Siquid tamen putatis amplius requiri ad probandam consuetudinem, fac norim. Ego tamen cum considero, ubi ista causa agatur, quam et causa ipsa et nos parum simus favorabiles, nihil aliud exspecto quam ut aut contra nos judicetur cum aliquo nostro dedecore, quasi captandi testamenta artem exerceamus, aut certe ut lex trahatur in infinitum.

Filius meus maximus natu⁷ in castris est Castilionaei⁸ apud Viridunos. Minimus⁹ in itinere ad nos brevi, puto, vobis adfuturus. Medium¹⁰, qui apud vos, velim quamprimum poterit parare se, ut Amstelodamum migret ibique discat jus nauticum et mercatorium, jura urbi illi propria alia, et notitias sibi acquirat, quae ad fortunam aliquam ei gradum struant.

Vale cum optimis parentibus, uxore, liberis, cognatis et amicis.

Tui amantissimus frater
H. Grotius.

1 Zie no. 4132, p. 361 n. 4.

2 Jan de Groot.

3 Aeltgen Borre van Overschie.

4 Alida Graswinckel.

5 Johan, Jacob, Maria, Alida, Anna, Françoise.

6 Cornelia de Groot. Adriaen van Naeltwijck had een proces tegen haar aangespannen; zie no. 4243, p. 509.

7 Cornelis de Groot.

8 Gaspard de Coligny, hertog van Châtillon, maarschalk van Frankrijk.

9 Diederik de Groot.

10 Pieter de Groot.

Lutetiae, 24 Sept. 1639.