Briefwisseling van Hugo Grotius. Deel 10

4298. 1639 september 17. Aan Willem de Groot¹⁶.

Mitto ad te, mi frater, excerpta ex his, quos hic habeo, libris ad causam filiae meae¹⁷ pertinentia et adjungenda his, quae missa sunt antehac. Testamenta

16 Gedrukt Epist., p. 885. Beantw. d. no. 4311.

17 Cornelia; over haar proces met Adriaen van Naeltwijk zie men nos. 4287 en 4288.

[p. 605]

holographa valere Lutetiae apud omnes constat multisque libris publica auctoritate editis apparet, ita ut probari id tanquam factum opus non sit. Venit autem id, ut nuper te monui¹, non ex statuto aut consuetudine loci, sed ab antiquissimo jure Romano, quod tunc in usu fuit, cum sub Romanis fuit Gallia. Ubi autem de forma testamenti agitur, spectandum loci morem, in quo testamentum fit, recepta ab eruditis et usu omnium gentium confirmata sententia est. Item tale testamentum vim suam exserere ubique terrarum non minus constat idemque servari, etiamsi advena in loco peregrinationis suae testatus fuerit. Haec collecta faciunt, de jure ne dubitem. Sed neque causa favorabilis est neque nos illis in locis. Quod si contra nos lis data fuerit, vereor, ut id nobis sit indecorum.

Ea causa est, cur definite meam sententiam super hac re dicere ausus non sim, sed maluerim omne hoc amicis, qui istic sunt et aliorum judicia quotidie audiunt, committere.

Rogo quae scribo mittoque D. Reigersbergio² tecum velis esse communia. De jure nemo hic est, qui dubitet. Quid aequissimum honestissimumque sit alia est quaestio.

Vale cum nostris omnibus.

Tibi obligatissimus frater
H. Grotius.

1 No. 4288.

2 Nicolaes van Reigersberch.

17 Septembris 1639.