Briefwisseling van Hugo Grotius. Deel 10

4265. 1639 augustus 27. Aan C. Barlaeus².

Legi cum voluptate maxima, poetarum, oratorum, philosophorum clarissime, Mediceam hospitem³, opus et tua eloquentia, et eius, quae celebratur, maiestate dignum. Simul, neque minore cum gaudio, cognovi eius urbis, cui et respublica plurimum et ego non parum debeo, crescentem in dies magnitudinem, quam servet augeatque regum, reginarum, civitatum summus arbiter. Delphinus⁴, cuius augustum nomen felicem facit libri tui clausulam, nutrices non lassat tantum sed et lacerat. Caveant vicini sibi a tam matura rapacitate⁵. Eius interim avia⁶ generorum terras perambulat, magno fortunae nihil a suo iure excipientis documento. At tu

Das solatia grandibus sepulchris⁷.

Sepulchra dico, Laberiano⁸ illo sensu:

Sepulchri similis, nil nisi nomen retineo⁹.

Relinquat te intactum ventosa illa dea, et, ut superba est, praeteriens plana, in montes potius fulminet. Hoc tibi precor: te vero, ut saepe tua, id est, longe optima, dona accipiamus, legamus, laudemus.

Virtutum Barlaeanarum non ingratus aestimator
H. Grotius.

2 Copie Rotterdam, Gem. Bibl., coll. Rem. Kerk., cat. v. hss. no. 674. Gedrukt Epist., p. 577; Barlaei Epist., p. 777. Beantw. d. no. 4312.

3 Medicea Hospes, sive Descriptio Pvblicae Gratvlationis, qua Serenissimam, Augustissimamque Reginam, Mariam de Medicis, excepit Senatvs Popvlvsqve Amstelodamensis. Auctore Caspare Barlaeo. Amstelodami, Typis Iohannis & Cornelii Blaev, MDCXXXVIII; het wordt besloten met een gedicht getiteld: In Natum Galliarum Delphinum eodem die & horâ, quâ Amstelodamo discessit Avia Maria de Medicis.

4 De latere Lodewijk XIV, geboren op 5 september 1638. Hij had bij zijn geboorte enkele tanden.

5 De woorden ‘Caveant ... rapacitate’ ontbreken in de uitgave der Barlaei Epist.

6 Maria de Medici.

7 Statius, Silv. II, 7, 103.

8 D. Laberius (± 115 of 106-43), latijns mimendichter.

9 Macrobius, Saturnalia II, 7, 3 (ed. Willis I, p. 153).

Lutetiae, XXVII Augusti MDCXXXIX.