Briefwisseling van Hugo Grotius. Deel 10

4146. 1639 juni 4. Aan J.A. Salvius².

Illustrissime domine,

Dicit mihi Heufdius³ se literas cambii misisse, ex quarum praescripto pecunia, quam ex foedere Galli regno Suedico debent, fine hujus mensis Amstelodami numerabitur. Scire velim, an quod D. Spiringius⁴ mihi significavit, pro certo habere debeam ex ea pecunia me consecuturum dimidium ejus, quod mihi debetur. Biennium est, quod nihil accepi magnis pressus impendiis. Salaria et quae ad necessitates publicas erogavi ad XL millia florenorum perveniunt. Si ita res posthac trahetur, non magis ego hic quam apud Batavos D. Camerarius⁵ sustinere dignitatem potero.

Caetera ex literis ad magnum D. cancellarium⁶ cognoscet Excellentia vestra, cui me commendo.

Excellentiae vestrae omni observantia devinctissimus
H. Grotius.

2 Gedrukt Epist., p. 536. Antw. op no. 4107. Johan Adler Salvius was Zweeds gezant te Hamburg.

3 Johan Hoeufft, bankier te Parijs.

4 Petter Spiring Silvercrona.

5 Ludwig Camerarius.

6 De Zweedse rijkskanselier Axel Oxenstierna.

Lutetiae, 4 Iunii 1639.