Briefwisseling van Hugo Grotius. Deel 10

4116. 1639 mei 19. Van I. Jasky⁶.

Illustrissime et excellentissime domine, domine observandissime,

Diutius quam par fuit et mea in Excellentiam vestram observantia postulare videbatur scribendi officium intermisi. Hoc vero nec ex oblivione debiti mei aut alia de causa, sed potius defectu materiae factum; satius enim duxi inclusam Excellentiam vestram meo pectori religioso cultu observare et animo complecti quam intempestive adire. Post longum ergo silentium iam erumpere et has qualesquales testes devotissimae meae erga Excellentiam vestram observantiae mittere volui.

Nos nec plena pace fruimur nec in bello versamur, sed hoc agimus, ut bellum declinemus et fructu pacis vere uti possimus. Hoc est libertate commerciorum. Quae subinde turbatur et ab infami corrogandae pecuniae fame mercatoribus alias satis afflictis invidetur. Batavi, qui ut in aliis in rebus sic in mercatura omnibus nationibus merito praeferuntur, hanc quidem restaurare conantur, an pari successu qua prudentia brevi videbimus.

Mittunt consulem Ambsterd. Biker⁷ ad regem Daniae⁸ abrogatum ergo grave illud vectigal, quod nuper transeuntibus fretum suum mercibus imposuit. Si hoc obtinet, huic et nostris non parum consulet et hoc quidem magis, si nostrum negotium teloniarium composuerit ad quod ab Illustrissimis Ordinibus destinatus

6 Hs. Utrecht, RA. Prov., Arch. Boetzelaer no. 556, 19. Eigenh. oorspr. Beantw. d. no. 4170. Israel Köhne, genaamd von Jasky, was een invloedrijk persoon in zijn vaderstad Danzig.

7 Dr. Andries Bicker. De bezending heeft echter geen doorgang gevonden; zie no. 4093, p. 302 n. 3.

8 Christiaan IV.

[p. 332]

esse dicitur. Ut aliae regiones pro religione - quod speciosum nomen multis irreligiosis bellis iam praetexitur - arma sumunt, sic magna pars Septentrionis pro teloneo si non armis, certe voce et scriptis pugnare videtur. Comitia regni in 5 Octobris indicta an nos liberos a teloneo, quod serenissimus rex noster¹ in portu nostro exigere vult, pronunciabit aut ad id solvendum condemnabit, tempus docebit.

Cosaci, qui nec totam servitutem pati possunt nec totam libertatem, rursus coacto agmine rebellarunt sic, ut quinque cohortes militum a rege conscribantur in supplementum exercitus in ipsos missi.

Quo successu Bannerius² multa oppida electoris Saxoniae³ occuparit, Excellentia vestra melius nobis novit.

Nihil ergo addam, nisi humillimas preces, ut locum, quem mihi inter clientes suos Excellentia vestra benevole concessit, conservare dignetur et me credere velit

sui observantissimum clientem
I.K.D. Jasky mpp.

1 Wladislas IV (VII) van Polen.

2 De Zweedse veldmaarschalk Johan Gustavsson Banér.

3 Johann Georg I, keurvorst van Saksen.

Dantisci, 19 Maii A.^o 1639.