Briefwisseling van Hugo Grotius. Deel 10

[p. 295]

4089. 1639 april 30. Aan I. Jasky¹.

Nobilissime domine,

Si tam bene procedent res civitatis vestrae quam ego ei bene volo, optime prospectum erit et libertati ejus et immunitati². Laudo τοὺς έυέλπιδας. Interim multa me sollicitum habent Spiringiorum³ apud regem Poloniae⁴ gratia et molitiones indefessae, tum quod hoc tempore, ut non male observat Nobilitas vestra, omnes reges fiunt alabarchae⁵ et quemvis lucri odorem sagaci nare persequuntur.

Rex Daniae⁶ parum probabiliter in aliis damnat rem, cujus ipse exempla auget intenditque.

Batavi in legatione decernenda cunctantur, nempe quod semel parum honorifice excepti metuant impingere in eundem lapidem.

Suedi satis alibi⁷ negotii habent, praesertim nunc parum prosperis Banerii⁸ rebus, dum differt Gallia duci Vinariensi⁹ vires dare, quibus Rhenum transeat; quod tamen nunc post vulneratam non leviter causam factura pollicetur. Exercet praeter hoc Suedos suspecta cummaxime Danorum vicinitas.

Nos hic bellum a Gallia ingens in Germania, Hispaniam Belgicamque exspectamus. Sed et curas et armorum partem potissimam ad se non traxit, sed rapuit subitum Hispanorum fulmen in Taurinos, quorum captis oppidis compluribus, inter ea Verruca et Eporedia¹⁰, nunc ipsam urbem principem obsident machinisque pulsant. In arce est princeps vidua¹¹, in urbe cardinalis Valetta¹² cum omni Gallorum exercitu satis valido ad tutanda moenia, si habeant¹³, unde vivant et quod jaculentur. De utroque dubitari video. Dux puer¹⁴ Chamberii est. Dant operam Galli, ut et puerum et, si fieri potest, matrem in Gallia habeant.

Turca¹⁵ pergit iras suas in Persam¹⁶ effundere magno Dei in res christianas beneficio.

1 Hs. Gotha, Stadtarchiv, cod. Chart. A 473. Eigenh. oorspr. Gedrukt Epist., p. 528; Grotii Epist. ad Iaski, p. 42. Antw. op no. 4044. Israel Köhne, genaamd von Jasky, was een invloedrijk burger van de stad Danzig. Hij ontving deze brief via Paulus Pels; zie no. 4141, p. 370.

2 De uitgave der Grotii Epist. ad Iaski heeft in plaats van ‘optime ... immunitati’: ‘in optimo, certe erit statu’ en de woorden ‘Laudo ... lapidem’ ontbreken in de genoemde uitgave.

3 Arend, Abraham, Dirck en Isaac Spiring.

4 Wladislas IV (VII).

5 Vgl. Cod. Iust. IV 61, 9; Iust. Edictum XI 2 en 3.

6 Christiaan IV.

7 De uitgave der Grotii Epist. ad Iaski heeft: ‘hîc’.

8 De Zweedse veldmaarschalk Johan Gustavsson Banér.

9 Bernhard, hertog van Saksen-Weimar.

10 De woorden: ‘inter ... Eporedia’ ontbreken in de uitgave der Grotii Epist. ad Iaski.

11 Christine de France, hertogin van Savoye.

12 Louis de Nogaret d'Epernon de La Valette.

13 De uitgave der Grotii Epist. ad Iaski heeft ‘habeant’.

14 Carlo Emanuele II van Savoye (1634-1675).

15 Murád (Amurath IV), sultan der Ottomanen.

16 Safī (Sam Mirza).

[p. 296]

Vale, vir nobilissime.

Nobilitati vestrae studiosissimus
H. Grotius.

Dabam Lutetiae, XX/XXX Aprilis MDCXXXIX.

Adres: A monsieur monsieur Iasky, gentilhomme à Dantzig.