Briefwisseling van Hugo Grotius. Deel 10

4069. 1639 april 16. Aan Willem de Groot⁹.

Mi frater,

Vidi cum gaudio senatoris Forestii¹⁰ mihi olim noti et ob magnum in tenera aetate profectum literarum a me per magno aestimati filium¹¹, cui quicquid a me proficisci poterit expositum erit, tum quia ita fert ingenium meum, ut nulla re

9 Gedrukt Epist., p. 882. Tesamen met no. 4068 beantw. d. no. 4101.

10 Johan van Foreest.

11 Adriaen van Foreest.

[p. 261]

magis delecter quam ubi licet mihi bene facere quam plurimis, tum quia ad veterem amicitiam cum ipso parente meam tua nova accessit, quae ut vestrum utrique et firma et jucunda sit, ex animo precor.

Veniet brevi in vestras terras Samuel Petitus¹ Nemausensis antehac professor, nunc Franekeranus futurus, vir multarum rerum sciens, in rebus theologicis temperate judicans nostrique amans. Id scire te volui, ut, si forte Hagam venit, noris dignum esse qui noscatur.

Resalutes nostros rogo.

Tibi obligatissimus frater
H. Grotius.

1 De oriëntalist Samuel Petit nam een benoeming in Franeker niet aan.

Lutetiae, 16 Aprilis 1639.

Optimo patri² scribam, ubi uxor ad vos itura est. Eam morantur tum negotia quaedam, tum conditiones appositae diplomati Bruxellensi.

2 Jan de Groot.