Briefwisseling van Hugo Grotius. Deel 10

4020. 1639 maart 17. Van I. Jasky¹.

Illustrissime et excellentissime domine, domine observandissime,

Constituerat secum S.R. maiestas² Vilnae per aliquot menses manere, sed iam mutato consilio Grodnam concessit indeque, ut nonnullorum opinio est, brevi versus Prussiam nostram abibit. Ante discessum tamen regia Maiestas solemni ritu illustrissimo principi Iacobo³ Curlandriae ducatum in feudum contulit his conditionibus, ut praedictus princeps toties quoties contributiones agrariae - vulgo poborii dictae - in regno Poloniae dabuntur, nomine earundem 10^m florenorum solvat, centum equites tempore belli suis sumptibus alat et duo templa in ditionibus suis pontificiis concedat.

Quid de negotio nostro vectigalaria tandem futurum sit, Deus novit. Brevi senatus noster ad regiam Maiestatem internuntios suos ablegabit ad continuandos inceptos tractatus et ad testandam humillimam suam observantiam promptissimumque regiae Maiestati obediendi animum, quoad privilegia et immunitates civitatis permittunt.

Deum precor, ut Excellentiam vestram sanam salvamque quam diutissime esse velit.

Excellentiae vestrae obsequentissimus
Jasky mpp.

1 Hs. Utrecht, RA. Prov., Arch. Boetzelaer 556, 17. Eigenh. oorspr. Antw. op no. 3981; beantw. d. no. 4070. Voor de schrijver Israel Köhne, genaamd von Jasky, zie men dl. VII, p. 441 n. 10.

2 Wladislas IV (VII) van Polen.

3 Jacob Kettler, hertog van Koerland.

Dab. Dantisci, XVII Martii Anno M.DC.XXXIX.

Boven aan de brief schreef Grotius: Rec. 12 Aprilis.