Briefwisseling van Hugo Grotius. Deel 10

4019. 1639 maart 15. Van G. Müller⁶.

Illustrissime et excellentissime domine legate,

Postquam dominus Bannerius⁷ ad fines usque Bohemiae cum equitatu progressus ac Lunaeburgensis conventus finitus est, adeo pacata ac tranquilla hic sunt omnia, ut quid ad Excellentiae vestrae literas 9/19 Febr. datas⁸ respondeam lectione vestra dignum, vix reperiam.

Aiunt literae mercatorum Lipsensium caesum prope Zwickaviam Salis⁹ ac capta a Bannerio signa equestria XXIV, pedestria XV ac ipsum ducem copiarum cum tribus aliis tribunis¹⁰. At ab ipso domino Bannerio toto mense epistolam accepimus nec unam.

Circa medium Februar. cum tormentis et peditatu in Magdeburgensi ac Halberstatensi episcopatibus haerebat adhuc dominus generalis Leonhardus Torstensohnius¹¹ mandata opperiens Bannerii, quem putant contra Marazinium¹² deleto Salis ultra processisse. Ingens penes hostes pavor est nec uspiam validae

6 Hs. Amsterdam, UB., coll. RK., 30 Ah3. Eigenh. oorspr. Antw. op no. 3983; beantw. d. no. 4056. Georg Müller was Zweedse hofraad en secretaris.

7 De Zweedse veldmaarschalk Johan Gustavsson Banér.

8 No. 3983.

9 Hans Wolf von Salis.

10 De kolonels Bauer, Spiegel en Mandelslohe.

11 Lennart Torstensson (1603-1651), Zweeds generaal.

12 Rudolph von Morzin (Morasin).

[p. 172]

apparent copiae praeterquam quas Hazfeldius¹ circa Francofurtum colligere dicitur; quae tamen resistendo vel Bannerio vel duci Saxonico Bernhardo² pares esse vix poterunt.

Quo Curtius ille Viennensis³, non Romanus⁴, abierit, nec dum pro certo scimus. Sunt, qui dicant Hildeshemum ipsum concessisse spe dimovendi ducem Georgium⁵ a conclusis conventus Lunaeburgensis. Verum in eum res iam est deducta statum, ut poenitentiae locus futurus esse vix possit.

Quae scripta sint ad regiam Sueciae Maiestatem ac dominum Bannerium, ea misi ad dominum Camerarium⁶ Excellentiae porro vestrae communicanda.

Danus⁷ ad literas domini legati Salvii⁸ tacuit hactenus nec desunt, qui credant insidiari illum regem urbi Dantiscanae, quominus utilem Pomeraniam reddat Suedis.

Dominus legatus Rowus⁹ adeo nihil hic agit, ut solita etiam inter legatos colloquia coitionesque cum domino legato Salvio ab aliquo tempore defugere videatur.

Bisterfeldius¹⁰ etiam nunc in Batavis haeret ac ne literas quidem huc scribit. Postulatum principis ipsius¹¹, ut tres coronae ad Kal. Aprileis dominum Strasburgerum¹² aut quem alium cum sufficientibus mandatis ad principem in Transsylvaniam mittant, ut iniquum ita impossibile est. Ac ipse princeps minatus est, nisi eo ipso tempore quis compareat cum plenissimis mandatis, res suas cum Caesare¹³ se acturum.

Dominum ducem Bernhardum Brisacum rediisse nunciant consilia communicaturum cum Erlachio¹⁴ et Mockelio¹⁵ contra Gallos et numos negantes et Brisacum ipsum cum Burgundiae comitatu appetentes. Doleo vicem tanti principis ac vereor vereorque, ne Galli olim p(oe)nas dent imprudentiae suae.

Deus cuncta dirigat in commodum ecclesiae ac reipublicae atque Excellentiam vestram quam diutissime incolumem praestet.

Excellentiae vestrae omni cultu et obsequio addictissimus
G. Müllerus lt. propria.

1 Melchior von Hatzfeldt und Gleichen.

2 Bernhard, hertog van Saksen-Weimar.

3 Ferdinand Siegmund Kurz, graaf van Senftenau.

4 Marcus Curtius; zie 3983, p. 109 en n. 10 aldaar.

5 Georg, hertog van Braunschweig-Lüneburg.

6 Ludwig Camerarius, Zweeds gezant in Den Haag.

7 Christiaan IV.

8 De Zweedse diplomaat Johan Adler Salvius.

9 De Engelse diplomaat Thomas Roe.

10 Johann Heinrich von Bisterfeld.

11 Georg I Rákóczi, vorst van Zevenburgen.

12 Paul Strasburgk.

13 Ferdinand III.

14 Johan Ludwig von Erlach.

15 Friedrich Richard Mockhel, Zweedse hofraad en resident in de Elzas.

Dabam Hamburgi, die V/XV Martii anno 1639.

Excellentiae vestrae literae hic ab omnibus plane insidiis tutae sunt. Ut idem et in Suecia fiat, sedulo monebo atque idem se praestiturum dominus legatus Salvius recepit.

[p. 173]

Onder aan de brief met latere hand: Inscriptio erat: A Son Excellence Monsieur Grotius, conseiller d'Estat et Ambassadeur de sa Majesté et Suède en France. Paris.

Boven aan de brief schreef Grotius: Rec. 5 Apr. n. st.