Briefwisseling van Hugo Grotius. Deel 10

[p. 108]

3981. 1639 februari 19. Aan I. Jasky¹.

Nobilissime domine,

Annus, qui exiit, habuit adversa Gallis nonnulla. Sed quae, ut scribit Nobilitas vestra², duabus rebus laetissimis, Delphini³ natalibus et capto Brisaco pensantur. Interim culpa mali eventus ad Fontarabiam tota in ducem Valettam⁴ conjicitur, qui ad delegatos a rege⁵ judices citatur absens bonis jam annotatis.

Cum duce Lotharingo⁶ spes est aliquid paciscendi; qua de causa et marchio Villa⁷ de carcere emissus est et Chevreusia⁸ huc invitatur.

Bellum hic et terra et mari strenue paratur. Pax adhuc adhaeret ad nodos super diplomatis tutum iter praestituris.

Poloniae regi⁹ bene cecidit, quod Cosacci fraenum mordent. Quid allaturus sit ille regis ejusdem cum Brandenburgico electore¹⁰ conventus, intenta exspectat Suedia nihil interim omittens eorum, quae ad sui tutelam sunt necessaria. Immunitatem veterem vobis salvam optamus Suedi, quae, si pace obtineri potest, bellum nemo vobis suaserit; sed, ni fallor, aut suscipiendae vobis clitellae aut quaerendi qui vos sublevent. De principis Casimiri¹¹ libertate, si non alia spes est quam ea, quae hic data est Demskio¹², est ea perexigua. Rex Galliae, ut puto, eo de negotio tempus in consilia adhibebit.

Vale, vir nobilissime.

Nobilitatis vestrae studiosissimus
H. Grotius.

1 Hs. Gotha, Stadtarch., cod. Chart. A 473. Eigenh. oorspr. Gedrukt Epist., p. 507; Grotii Epist. ad Jasky, p. 35. Antw. op no. 3934; beantw. d. no. 4020. Voor geadresseerde, Israël Köhne, genaamd von Jaski, zie men dl. VII, p. 441 n. 10.

2 No. 3934.

3 De latere Lodewijk XIV, geboren op 5 september 1638.

4 Bernard de Nogaret, hertog van La Valette.

5 Lodewijk XIII.

6 Karel IV, hertog van Lotharingen.

7 Charles Henri de Livron, markies de Ville.

8 Marie de Rohan, hertogin van Chevreuse.

9 Wladislas IV (VII).

10 Georg Wilhelm, keurvorst van Brandenburg.

11 Jan II Kazimierz.

12 Peter Dembski.

Lutetiae, XIX Februarii MDCXXXIX.