Briefwisseling van Hugo Grotius. Deel 10

[p. 40]

3934. 1639 januari 20. Van I. Jasky¹.

Illustrissime et excellentissime domine, domine observandissime,

Felicissimum praeteriti anni exitum Gallis fuisse nativitas delphini² et Brisaci occupatio³ docet. Faxit Deus, ut ingressus et progressus huius currentis non minus eis felix faustusque⁴ sit, praesertim si hoc ad pacem Europae conciliandam facere potest; quam quidem inprimis misere desolata Germania anhelat et tot millia miserorum suspiriis suis et lacrymis flagitant.

Cosaci, qui nuper quasdam rursus excitaverant turbas, totos se regis⁵ voluntati commiserunt et se inposterum ductum ducis Polonici - qui ipsorum exercitui ex placito regiae Maiestatis praeficietur - sequuturos solemniter promiserunt.

S.R.M.^tas 10 huius mensis Varsavia cum tota aula, principe sorore⁶, et episcopo Vratislaviense fratre⁷ Lithvaniam versus abiit in finibus Poloniae et Prussiae electorem Brandenburgicum⁸ visurus. Nos Sisyphum nostrum adhuc volvimus nec quicquam promovemus.

Tractatus de exactione marina per aliquod tempus intermissi iam brevi ex benignissima regiae Maiestatis voluntate reassumentur. Largiatur Supremus rerum Arbiter, ut negotium hoc felicem sortiatur exitum malaque impendentia a nobis avertat.

Bona spe sumus regem Galliarum⁹ principem nostrum Casimirum¹⁰ brevi vinculis soluturum, quam etiam auxit nobilis ille a rege nostro in Galliam eius cancellarius¹¹ missus. Hoc si fit, amicitia, quae inter regna Poloniae et Galliae intercedit, magis magisque coalescet arctiorque reddetur.

Nihil amplius addo, ne peccem in publica commoda, quibus continenter promovendis Excell. vestrae omnes curas cogitationesque suas impendit.

Deus optimus maximus Excell. vestram florentem atque incolumem diu servet et vitae spacium cum iis bonis exaequet, quae in Excell. vestram magno republicae christianae commodo summa contulit.

Excellentiae vestrae obsequentissimus
Jasky mpp.

1 Hs. Utrecht, RA. Prov., coll. Boetzelaer no. 556. Eigenh. oorspr. Beantw. d. no. 3981. Voor de schrijver, Israel Köhne, genaamd von Jaski, zie men dl. VII, p. 441 n. 10.

2 De latere Lodewijk XIV, geboren op 5 september 1638.

3 Breisach was op 17 december door Bernhard van Saksen-Weimar ingenomen.

4 Vgl. het opschrift op de stadspoorten van het oude Rome: Felici Favstoqve Ingressvi.

5 Wladislas IV (VII) van Polen.

6 Anna Katharina Constance Wasa (1619-1651).

7 Karl Ferdinand Wasa (1613-1655).

8 Georg Wilhelm, keurvorst van Brandenburg.

9 Lodewijk XIII.

10 Jan II Kazimierz.

11 Peter Dembski.

Dantisci, XIII Cal. Febr. A.^o M.DC.XXXIX.

Boven aan de brief schreef Grotius: Rec. 17 febr.