Briefwisseling van Hugo Grotius. Deel 10

[p. 158]

4009. 1639 maart 9. Aan P. de Groot¹.

Magno cum gaudio cognovi, mi fili, ex literis pridie Calendas Martii datis² in foro te esse assiduum. Non potest ulla tibi ostendi melior via sive ad parandam gloriam sive ad rem salva libertate et sine cujusquam offensa faciendam. Quod autem omittis inania aut supervacua et causae, quod dicitur, jugulum petis, prudentiae est. Verum est, quod dicis paucos esse, qui ordine dicant. Magnae partis verba, arena sunt sine calce. Ego ei rei semper extime studui, quod et ex scriptis meis forensibus et ex editis poteris cognoscere, ut cum digestu loquerer scriberemque.

Ne te aliorum confusa dictio obruat, consilium dabo, quod experto mihi profuit. Omnia, quae ex utraque parte in causa dici posse videntur, in locos distribue, quos per imagines infigas memoriae. Deinde quicquid adversarius dixerit, refer non ad ipsius, sed ad tuum ordinem.

De clade Dunquercanorum est, quod gaudeamus.

Si quid de mandatis Heenvlitii³ intellexeris, fac sciamus.

Caetera mater⁴ adferet quae itineri parare se incipit.

Vale cum amicis, praesertim parentibus⁵, patruo⁶, uxore⁷ liberisque⁸ ejus.

Tibi optima volens pater
H. Grotius.

1 Gedrukt Epist., p. 512. Antw. op no. 3995.

2 No. 3995.

3 Johan Polyander van den Kerckhoven, heer van Heenvliet; de uitgave der Epist. heeft abusievelijk ‘Hemolitii’.

4 Maria van Reigersberch, die op het punt stond naar het vaderland te reizen.

5 Jan de Groot en Aeltgen Borre van Overschie.

6 Willem de Groot.

7 Alida Graswinckel.

8 Johan, Jacob, Maria, Alida, Anna, Françoise.

Lutetiae, 9 Martii 1639.