Briefwisseling van Hugo Grotius. Deel 10

3995. 1639 februari 28. Van P. de Groot⁵.

Venerande parens,

Egi praeterita septimana cum D. Silvio⁶ causam satis nobilem neque dubito, quin et crastino die cum eodem aliquid dicturus sim.

Crescit mihi paulatim fiducia, praesertim cum unice brevitati studeam, ne memoriam, quae mihi omnis in ordine consistit, multarum nugarum insertione perturbem. Video hoc non item apud alios observari, quibus inordinata prorsus est dispositio, et hoc etiam non parum obest, cum refellenda mihi argumenta sunt tam male disposita. Ideo non improbandus mihi videtur mos parlamenti Gallici, ubi, cum tantum semel loqui liceat, majori annexione et ordine dicenda praemeditari possunt et ita praemeditata magis oratione eloqui. Dabo operam, ut aliquando quid agam nostro nomine non indignum, ubi ex verborum elocutione ad rem ipsam pervenero.

De iis, quae hic aguntur et praesertim quae apud Dunquerquam acta sunt, ab avunculo⁷ et Domino Camerario⁸ habebis.

5 Hs. Den Haag, ARA. Eerste afd. Hugo de Gr. Aanw. 1911 XXIII no. 26. Eigenh. oorspr. Beantw. d. no. 4009.

6 Cornelis Bosch; zie no. 3918, p. 15 n. 2.

7 Nicolaes van Reigersberch.

8 Ludwig Camerarius, Zweeds gezant in Den Haag.

[p. 135]

Audio hinc profectum in Angliam D. ab Heenvliet¹ missum a principe Arausionensi²; quam ob rem nulli satis liquet: etiam discessus eius a plerisque ignoratur.

Deus, venerande parens, vobis det omnia prosperrima.

Tibi obedientissimus filius
P. Grotius.

1 Johan Polyander van den Kerckhoven, heer van Heenvliet.

2 Frederik Hendrik.

Hagae Com., prid. Cal. Mart. MDCXXXIX.