Briefwisseling van Hugo Grotius. Deel 9

3857. 1638 november 20. Aan A. Oxenstierna³.

Excellentissime atque Illustrissime Domine,

Quod rex⁴ diceret Lunaevillam receptam a Longavillano⁵, in eo fallebatur. Quod postremum castellorum extra urbem Brissacensibus restabat a praefecti Rhinacheri⁶ dictum nomine venit in ducis Vinariensis⁷ potestatem. Qui arcem Ensishemi contra hostem oppidi positum tutati sunt, nihil eorum omisere, quae a viris fortissimis sperari possunt. Erant in oppido arcemque oppugnabant sexcenti pedites, equites autem centum, reliquiae exercitus Lotharingici⁸. Misit eo dux Rosam⁹ Gallis quibusdam additis, quos exspectare non ausi Lotharingici oppido excessere; sed in abitu a Rosa oppressi post brevem pugnam in fugam acti et ad satietatem caesi sunt, CC captis et Mercio¹⁰. Evenit hoc Calendis Novembribus, ut hic numerare mos est. Post id dux etiam ex cisrhenano latere Brissacum munitionibus circumvenit speraturque, ut consentire literas video, deditio intra mensem aut citius. Quinto Novembris die, ut ex captivis est cognitum, restabant obsessis XVI boves, C porci, frumenti pauxillum; equinae carnis libra solidos XII valebat. Longavillanus habere creditur VI millia peditum, duo equitum. Feuquerius¹¹ ab eo praemissus partem aliquam Savellianorum¹² cecidit.

3 Gedrukt Epist., p. 481; Oxenst. Skrifter 2. afd. II, p. 548.

4 Lodewijk XIII.

5 Henri d'Orleans, hertog van Longueville.

6 Hans Heinrich von Reinach.

7 Bernhard, hertog van Saksen-Weimar.

8 Karel IV, hertog van Lotharingen.

9 Rheinhold von Rosen.

10 Caspar van Mercy; zie de Gazette de France dd. 18 november 1638 no. 162 pp. 681-688.

11 Manasse de Pas, markies van Feuquières.

12 De troepen van Federigo Savelli, hertog van Poggio Nativo.

[p. 709]

Rex Angliae¹ reginae socrui² suae obviam ivit ad leucas quatuor, filia³ autem matri extra portam urbis ipsa matre orante, ne longius prodiret, gravida quippe.

Est et in Anglia dux Valetta⁴. Hi cum Chevreusia⁵ et Subizio⁶ speciem ibi facient aulae Gallicae. Nam regina mater non minus ducentos secum habet. Rex idem Angliae, ut ex legatis⁷ intelligo, Scotis metum omnem ademit non de liturgia tantum anglicana, sed et de introductis antehac ritibus quinque nolens vim inferre ipsorum animis.

Deus, Excellentissime et Illustrissime Domine, det regno, reginae⁸ Tuaeque Sublimitati cuncta salutaria.

Tuae Sublimitatis cultor devotissimus
H. Grotius

1 Karel I van Engeland.

2 Maria de Medici.

3 Henriette Marie.

4 Bernard de Nogaret d'Epernon, hertog van La Valette.

5 Marie de Rohan, hertogin van Chevreuse.

6 Benjamin de Rohan, heer van Soubize.

7 John Scudamore en Robert Sidney, graaf van Leicester, resp. ordinarius en extra-ordinarius Engels gezant te Parijs.

8 Christina van Zweden. Tot aan ‘Deus, Excellentissime’ is de brief praktisch gelijkluidend aan no. 3854 aan Ludwig Camerarius.

Lutetiae, 10/20 Novembris 1638.

Adres: Axelio Oxenstiernae, Sacrae Reg. Maj. Regnorumque Sueciae Senatori et Cancellario.