Briefwisseling van Hugo Grotius. Deel 9

3842. 1638 november 13. Aan Willem de Groot³.

Sororis nostrae⁴, mi frater, morbum intellexi dolens quam maxime malum tam crudele in aetatem tam florentem incidisse. Sed refovet me espistola tua⁵ spem dans restituendae valetudinis. Medicorum opem Deus secundet ipsamque nobis, marito⁶, liberis⁷ servet.

Dux Vinariensis⁸ in magno periculo. Validae hostium vires, ipsi tenues. Auxilia tarda in tam praecipiti temporum articulo. Oppugnata per triduum castra. Sed rejectus cum clade hostis, qui jam quaedam castrorum munimenta irruperat. Hostes erant Gotzius⁹ et Lamboius¹⁰. Adventat et Savellius¹¹.

Regina¹² hic, quanquam delphini¹³ mater, nihilo est quam antehac potentior jussa a latere ejus discedere matrona¹⁴, quam maxime diligebat. Regina

3 Gedrukt Epist., p. 880. Antw. op no. 3825; beantw. d. no. 3850.

4 Adriana de Groot.

5 No. 3825.

6 Frederik van Losecaat.

7 Esseline, Anna en Diderik van Losecaat.

8 Bernhard, hertog van Saksen-Weimar.

9 Johann, graaf van Götz.

10 Wilhelm, baron van Lamboy.

11 Federigo Savelli, hertog van Poggio Nativo.

12 Anna van Oostenrijk, koningin van Frankrijk.

13 Lodewijk XIV, geboren op 5 september 1638.

14 Marie-Catherine de La Rochefoucauld-Randan, markiezin van Senecey.

[p. 692]

autem mater¹, ubi in Anglia aliquamdiu fuerit, restat, ut Sabaudiam² videat. Ita omnes suorum terras perambulaverit.

Quando Procopii editionem³ inchoaturi sint Elzevirii⁴, scire cupiam et siquid praeterea est literarum.

Vale cum parentibus⁵, liberis⁶, conjuge⁷, amicis.

Tibi obligatissimus frater
H. Grotius.

1 Maria de Medici.

2 Christine de France, hertogin van Savoye.

3 Over Procopius zie men p. 70 n. 9.

4 Abraham en Bonaventura Elzevier.

5 Jan de Groot en Aeltgen Borre van Overschie.

6 Johan, Jacob, Maria, Alida, Anna. Françoise.

7 Alida Graswinckel.

Lutetiae, 13 Novembris 1638.