Briefwisseling van Hugo Grotius. Deel 9

3809. 1638 oktober 18. Van P. de Groot¹.

Venerande parens,

Literas tuas octavo die Octobris² datas heri recte accepi. De typographo spero aliquid ex D.ⁱ Vossii³ literis, quas ad te mitto, accipies. Gaudeo ea, quae pro me concepisti⁴, tam bene cum animo meo convenire, vel ut melius loquar, ea, quae iam ego conceperam, tam bene tibi probari. Ipso enim hoc die actionem in causa⁵ injuriarum egissem, nisi heri vesperi ex materterae Blonquiae⁶ literis aviae⁷ obitum intellexissem. Itaque aptatis mihi vestibus lugubribus crastino die in Zelandiam cogito.

Regina mater⁸ Heenvlietiae etiamnum haeret contrario vento detenta.

Audio Coloniae prodiisse librum editum⁹ vel ab ipso, qui ibi est legato pontificio¹⁰, vel sub ejus nomine. In eo audio satis fuse deductas rationes, quare christiani principes bellum paci publicae praeferant; ejus ubi, ut spero, accepero, faciam et tibi copiam.

Interea Deum precor, venerande parens, ut omnibus conatibus tuis secundet.

Tibi obedientissimus filius
P. Grotius.

1 Hs. Den Haag, ARA. Eerste afd. coll. Hugo de Gr. Aanw. 1911 XXIII, no. 26. Eigenh. oorspr.

2 Ontbreekt.

3 Gerardus Johannes Vossius; voor de brief zie no. 3802.

4 Pieter spelt ‘concaepisti’.

5 De tekst vermeldt tweemaal ‘in causa’.

6 Suzanna van Reigersberch, weduwe van Dr. Anthonie Bloncke.

7 Maria Nicolai; zij was op 16 october 1638 overleden.

8 Maria de Medici.

9 Het is mij niet bekend welk boek hier bedoeld wordt.

10 Martio, kardinaal Ginetti.

Hagae Comitis, XVIII Octob. MDCXXXVIII.

Boven aan de brief schreef Grotius: 28 October.