Briefwisseling van Hugo Grotius. Deel 9

3789. 1638 oktober 4. Van Willem de Groot⁷.

Frater optime,

E litteris XXV^o Septembris ad me datis⁸ gaudeo intelligere prosperiore te jam uti valetudine Deum venerans, ut brevi te pristinae sanitati et alacritati velit restituere.

Res ad Fontarabiam improspere gestas jam ante inaudiveramus et, quantum ego quidem ex aliorum relatu comperio, causa amplius non est, cur nobis Galli fugam Calloanam exprobrent: ea ducum nostrorum culpae, haec nupera militum ignaviae imputanda est; in utro minus sit mali et flagitii, judicent militarium rerum periti.

Pugna navalis ad Genuam Gallis procul dubio animos addet: caeterum dedecus in terra partum, quomodo hoc anno obliterari possit, non video.

Putant nonnulli principem⁹, antequam in hyberna redeat, aliquid tentaturum, sed ego, ut perficiat, dubito; nam et anni in hyemem vergentis tempus et militum morbi receptui cani et suadent et imperant.

Reginae¹⁰ negotium, quo apud regem¹¹ et cardinalem¹² loco futurum sit, ubi Kneutius¹³ et comes Henricus¹⁴ ad vos devenerint, scire avebo.

Archithalassus noster¹⁵ etiamnum ad Dunkerkam servat novo sane et

7 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 24. Eigenh. oorspr. Antw. op no. 3775; beatnw. d. no. 3806.

8 No. 3775.

9 Frederik Hendrik.

10 Anna van Oostenrijk, koningin van Frankrijk.

11 Lodewijk XIII.

12 De Richelieu.

13 Johan de Knuyt.

14 Hendrik, graaf van Nassau-Siegen.

15 Maerten Harpertsz. Tromp.

[p. 610]

inaudito exemplo; spes est reliquos praefectos ejus virtutem et constantiam posthac imitaturos multum proficeret justa praemiorum et poenarum distributio, quae ut alibi jam ante collapsa est, ita hic labascit.

Filius tuus¹ praeterita septimana in procinctu fuit, ut causam oraret, quod hac septimana facturum spero.

Neoportius² junior munus quaestoris rationalis, quod diu ambivit, tandem a principe obtinuit posthabito eo³, cui Basius⁴ avunculus est, Merano.

Recte tu atque animose facis, qui Schokium⁵ et similes obtrectatores parum curas; calumniam socinismi bonorum omnium consensus facile diluet teque apud non iniquos judices purgabit.

Fiscales causae jam plane frigent nemine, qui eas exerceat, constituto. Ordines super eo negotio senatus Hollandici petiere consilium, qui propter senatorum infrequentiam nihildum constituere potuit. Credo Kinschotium⁶, qui jam Delfensium nomine comitia frequentat, rogatum iri, ut in aliquod tempus fiscales causas in foro velit agere.

Vale, frater optime, cum uxore et liberis⁷ ac nos amare perge.

Tibi obsequentissimus frater
Guilielmus Grotius.

1 Pieter de Groot.

2 Op 30 september 1638 werd aan Mr. Willem van Nieupoort, pensionaris van Schiedam, commissie verleend als raad en rentmeester-generaal van de domeinen van Noordholland. Hij was in deze functie de opvolger van Jonathan van Luchtenburch.

3 Franck van der Meer (1599-1653), advocaat te Den Haag.

4 Raad en rekenmeester Johan Basius.

5 Maarten Schoock.

6 Nicolaes van Kinschot.

7 Alleen Cornelia was thuis: Pieter bevond zich in het vaderland, Cornelis en Diederik dienden in het leger van Bernhard van Saksen-Weimar.

Hagae Comitis, IV Octobris 1638.

Adres: A Monsieur Monsieur Grotius, Ambassadeur de la Reine et couronne de Suède prez le Roy Trèschrestien A Paris. Port.

Boven aan de brief schreef Grotius: Rec. 13 Sept. (sic).

En in dorso: 4 Oct. 1638 W. de Groot.