Briefwisseling van Hugo Grotius. Deel 9

3784. 1638 oktober 2. Aan I. Jasky⁸.

Nobilissime Domine,

Venit ad nos Maurerius⁹, mihi semper amicus, nunc etiam gratior, quod Nobilitatis tuae¹⁰ ad me literas adferat, et cum literis argumenta, quae pro vectigali a regiis contra vectigal a vestris adferuntur.

Legi ea quanquam ex morbo recens alacriter multum gaudens me in hac nobili controversia ea conspicere, quae a causae utriusque patronis plurimum habere ponderis judicantur. Vos pacta adfertis non obscura, illorum rationes

8 aant.Gedrukt Epist., p. 469; Grotii Epist. ad Iaski, p. 24. Antw. op no. 3753. Israel Köhne, genannt von Jasky was in zijn geboortestad Dantzig een invloedrijk persoon.

9 Louis Aubéry du Maurier.

10 De uitgave der Epist. ad Iaski geeft in plaats van ‘Nobilitatis tuae’ de lezing ‘Tuas’.

[p. 603]

pleraeque ab utili ducuntur. Doleo vobis non regem¹ tantum, sed et corpus Poloniae adversari, unde nisi externa habeatis praesidia, durum vobis erit certamen. Suedi nostri non dubium est, quin vestrae immunitati, cui consultum etiam suis pactionibus voluere, foveant. Ego vero a prima aetate semper fui φιλελεύϑεϱος. Quare, si quid possim civitati vestrae gratum facere, nulli sum parsurus operae².

Nos hic Delphini nati³ gaudio sensum malorum, quae Galli ad S. Audomari oppidum, deinde ad Fontarabiam, Batavi vero ad Scaldim Mosamque et trans mare in Brasilia accepere, abstergimus. Sed et ne de belli fortuna nimium queramur, virtus ducis Vinariensis⁴ et Banerii⁵ faciunt. Ad Bannerii res noscendas vos propiores estis. Dux Vinariensis postremo ad Wittenwerium praelio cepit hostium signa LXXXIV, quae ad regem⁶ perlata sunt.

Vale, nobilissime domine.

Tuae Nobilitati omnia volens optima
H. Grotius.

1 Wladislas VII (IV) van Polen.

2 Het gedeelte; ‘Legi ea ... operae’ ontbreekt in de uitgave der Epist. ad Iaski.

3 Lodewijk XIV, geboren op 5 september 1638.

4 Bernhard, hertog van Saksen-Weimar.

5 De Zweedse veldmaarschalk Johan Gustavsson Banér.

6 Lodewijk XIII.

Lutetiae, II Octobris novi Cal. anni MDCXXXIIX. aant.