Briefwisseling van Hugo Grotius. Deel 9

3769. 1638 september 18. Aan A. Oxenstierna⁸.

Excellentissime atque Illustrissime Domine,

Postquam miseram postremas ad Sublimitatem Tuam literas⁹, sententiae in eos, qui vim mihi intulerant¹⁰, latae exsecutio, ita ut hic in absentes mos habet, in imaginibus facta est. Ego jam nihil aliud quam firmiorem valetudinem opperior, ut regem¹¹ adeam eique post publica negotia preces adferam meas ad dandam his reis ejus, quod impetu non proposito deliquerunt, indulgentiam.

Nuper ad D. Chavigniacum¹² cum scriberem¹³, misi ei, quod Veneto¹⁴ ante tradideram, scriptum de iis, quae regina domina nostra clementissima¹⁵ desiderat

8 Gedrukt Epist. p. 463; Oxenst. Skrifter 2. afd. II, p. 523.

9 No. 3768.

10 Zie hierover no. 3677, p. 457 n. 9.

11 Lodewijk XIII van Frankrijk.

12 Léon le Bouthillier, graaf van Chavigny.

13 No. 3757.

14 Anzolo Correr.

15 Christina van Zweden.

[p. 580]

in diplomatibus pro Germanis. Vellet Venetus, qui heri apud me fuit, me novam aliquam scribere formulam; verum ego dixi frustra id futurum, priusquam caesarianorum mens super illis annotatis intellecta fuerit; itaque, ut ea intelligatur, dixit se allaboraturum. Ego, si quis cum ministris regiis ea de re sermo inciderit, tenebo me intra praescripta.

Regina¹ cardinali Riceliaco manet infensa, sed hujus auctoritas in regis animo credentis sine ipso nihil se posse firmiores egit radices quam ut a quoquam homine convelli possint. Ad pacis tamen desiderium poterit et haec res et ortus delphini² suum habere momentum coeperatque jam et Hispanus³ Romae eam expetere. Sed is novis mirisque successibus inflatus suum jam putabit eam dare magis quam accipere.

Deus belli pacisque arbiter, Excellentissime et Illustrissime Domine, det orbi christiano, reginae regnoque Suedico ac Tuae Sublimitati cuncta, quae optari jus fasque est.

Tuae Sublimitatis cultor devotissimus
H. Grotius.

1 Anna van Oostenrijk, koningin van Frankrijk.

2 Lodewijk XIV, geboren op 5 september 1638.

3 Spaans ambassadeur in Rome was Manuel de Moura y Corte Real, markies van Castel Rodrigo.

Lutetiae, 8/18 Septembis 1638.

Adres: Axelio Oxenstiernae, Sacrae Reg. Maj. Regnorumque Sueciae Senatori et Cancellario.